മാലമോഷ്ടാക്കള്‍ പിടിയില്‍
Posted on: 30 Jan 2015
ചെന്നൈ: വിദ്യാര്‍ഥികളുടെ വേഷത്തില്‍ തെരുവില്‍ റോന്തുചുറ്റി തിരക്കൊഴിഞ്ഞ സ്ഥലങ്ങളില്‍നിന്ന് മാലപൊട്ടിക്കുന്ന അഞ്ചംഗസംഘം പോലീസ് വലയില്‍. വെസ്റ്റ് മാമ്പലം ഭാഗങ്ങളില്‍ പോലീസ് നടത്തിയ പട്രോളിങ്ങിലാണ് മോഷ്ടാക്കള്‍ പിടിയിലായത്.
ചെന്നൈ സ്വദേശികളായ സതീഷ് (23), ഹരിഹരന്‍ (23), ഭരത്കുമാര്‍ (23), തമിഴരസന്‍ (22), പാര്‍ഥിപന്‍ (23) എന്നിവരാണ് പിടിയിലായത്. കൊരട്ടൂര്‍, ജെ.ജെ. നഗര്‍, അണ്ണാനഗര്‍, തിരുമംഗലം, നൊളമ്പൂര്‍, തിരുമംഗലം എന്നിവിടങ്ങളില്‍ പ്രതികള്‍ മോഷണം നടത്തിയതായി പോലീസ് പറഞ്ഞു.
പ്രതികളില്‍നിന്ന് 30 പവന്‍ സ്വര്‍ണാഭരണങ്ങളും വാഹനങ്ങളും ഉള്‍പ്പെടെ ആറുലക്ഷത്തിന്റെ തൊണ്ടിമുതലുകള്‍ കണ്ടെടുത്തു.
from kerala news edited
via IFTTT
