Story Dated: Friday, January 30, 2015 02:49
പാലക്കാട്‌: കടമ്പഴിപ്പുറം ജൂനിയര്‍ ബേസിക്‌ സ്‌കൂളില്‍ മാനേജരുടെ വിദ്യാലയ വിരുദ്ധനയങ്ങള്‍ക്കെതിരെ നടപടി സ്വീകരിക്കണമെന്നാവശ്യപ്പെട്ട്‌ ഫെബ്രുവരി രണ്ടിന്‌ റോഡ്‌ ഉപരോധിക്കലും സ്‌കൂള്‍ പ്രവര്‍ത്തനം തടയുമെന്നും ആക്ഷന്‍ കൗണ്‍സില്‍ ഭാരവാഹികള്‍ പത്രസമ്മേളനത്തില്‍ അറിയിച്ചു. സംസ്‌കൃത സൊസൈറ്റിയുടെ കീഴില്‍ പ്രവര്‍ത്തിച്ചിരുന്ന സ്‌കൂളും സ്‌ഥലവും സര്‍ക്കാറിന്റെതാണെന്നും വ്യാജരേഖചമച്ച്‌ മാനേജര്‍ തട്ടിയെടുത്തതായും ഭാരവാഹികള്‍ ആരോപിച്ചു.
ഇതിന്‌ ശേഷം സ്‌കൂളിന്റെ പ്രവര്‍ത്തനം തകിടം മറിച്ച്‌ വിദ്യാലയത്തെ ഇല്ലാതാക്കി ഭൂമി തട്ടിയെടുക്കാനാണ്‌ ഇപ്പോഴത്തെ ശ്രമം. സ്‌കൂളില്‍ ആറ്‌ അധ്യാപകരാണുണ്ടായിരുന്നത്‌. ഇതില്‍ രണ്ട്‌ പേരെ മാനേജര്‍ അകാരണമായി സന്‍സ്‌പെന്റ്‌ ചെയ്‌തു. ഒരു അധ്യാപിക മാനേജറുടെ ഭീഷണി ഭയന്ന്‌ അവധിയിലുമാണ്‌. മാനേജരുടെ ഇത്തരം നടപടികള്‍ക്കെതിരെ പി.ടി.എ പരാതി നല്‍കിയെങ്കിലും വ്യാജ ആരോപണമാണെന്ന്‌ പറഞ്ഞ്‌ ഡി.ഡി തള്ളി കളയുകയായിരുന്നുവത്രെ. വാര്‍ത്താസമ്മേളനത്തില്‍ കൗണ്‍സില്‍ ഭാരവാഹികളായ എം.കെ. ബലദേവഗുപ്‌തന്‍, എ. നാരായണന്‍, എ.പി. ബഷീര്‍ പങ്കെടുത്തു.
from kerala news edited
via IFTTT
