Story Dated: Wednesday, February 25, 2015 08:11
മല്‍ക്കങ്കിരി: ഒഡീഷയില്‍ മൂന്ന്‌ മാവോയിസ്‌റ്റു യുവതികളെ പിടികൂടി. സമ്പരി മദ്‌കമി(26), പര്‍ബദി പദിയാമി(21), ദെബെ ഉര്‍മാനി(26) എന്നീ മൂന്ന്‌ യുവതികളാണ്‌ പിടിയിലായത്‌.
ബി.എസ്‌.എഫും, പ്രത്യേക അന്വേഷണ സംഘവും ചേര്‍ന്നു നടത്തിയ സൈനിക നീക്കത്തിലാണ്‌ സമ്പരി മദ്‌കമി, പര്‍ബദി പദിയാമി എന്നിവര്‍ പിടിയിലായത്‌. മല്‍ക്കങ്കരി ജില്ലയിലെ വനപ്രദേശത്തുള്ള കളിമേലയില്‍ നിന്നാണ്‌ ഇവരെ പിടികൂടിയത്‌. 2011 മുതല്‍ നിയമവിരുദ്ധ പ്രവര്‍ത്തനവും നിരോധിച്ച സംഘടനകളില്‍ ഇവര്‍ പ്രവര്‍ത്തിച്ചിരുന്നതുമായി പോലീസ്‌ പറഞ്ഞു.
പോലീസ്‌ നടത്തിയ മറ്റൊരു തെരച്ചിലിലാണ്‌ ദെബെ ഉര്‍മാനിയെ പിടികൂടിയത്‌. 2010ല്‍ മാവോയിസ്‌റ്റ് പ്രവര്‍ത്തനങ്ങളില്‍ യുവതി പങ്കെടുത്തിരുന്നതായി പോലീസ്‌ അറിയിച്ചു.
പിടിയിലായ മൂന്ന്‌ യുവതികളും മാവോയിസ്‌റ്റ് പ്രവര്‍ത്തനങ്ങള്‍ നടത്തുന്നവരാണെന്ന്‌. ബന്ദ്‌ ദിവസങ്ങളില്‍ മരങ്ങള്‍ മുറിച്ചിട്ട്‌ റോഡുകളില്‍ ഗതാഗത തടസം ഉണ്ടാക്കുന്നതാണ്‌ ഇവരുടെ പതിവ്‌. ഗ്രാമവാസികളെ സമരത്തിനായി പടയൊരുക്കം നടത്തുന്നതിലും ഇവര്‍ പ്രധാന പങ്കു വഹിച്ചിരുന്നതായി പോലീസ്‌ കൂട്ടിച്ചേര്‍ത്തു.
from kerala news edited
via IFTTT
