Story Dated: Tuesday, February 24, 2015 08:23
സിയോള്‍: കൊറിയയില്‍ നിന്നു കാണാതായ 18 കാരന്‍ ഐ.എസ്‌ തീവ്രവാദി സംഘടനയില്‍ ചേര്‍ന്നു പരിശീലനം നേടിവരുന്നതായി രഹസ്യാന്വേഷണ വിഭാഗം. ജനുവരി പത്തിനു തുര്‍ക്കിയില്‍ നിന്നു കാണാതായ കിം എന്ന കൗമാരക്കാരനാണ്‌ തീവ്രവാദി സംഘടനയില്‍ ചേര്‍ന്നതായി കൊറിയയുടെ രഹസ്യാന്വേഷണ വിഭാഗം കണ്ടെത്തിയത്‌.
രാജ്യത്തിന്റെ അതിര്‍ത്തി പ്രദേശത്തെ ഹോട്ടലില്‍ നിന്നാണ്‌ കിമ്മിനെ ജനുവരിയില്‍ കാണാതായത്‌. പോലീസ്‌ നടത്തിയ അന്വേഷണത്തില്‍ ഇയാള്‍ ഒരു അനധികൃത ടാക്‌സിയില്‍ മറ്റൊരാളുമായി കയറിപ്പോകുന്നതിന്റെ സി.സി.റ്റി.വി. ദൃശ്യങ്ങള്‍ കണ്ടെത്തിയിരുന്നു. മുമ്പ്‌ ഐ.എസില്‍ ചേരുന്നതിനായി തന്നെ സഹായിക്കണമെന്നു ചൂണ്ടിക്കാട്ടി കിം ട്വിറ്ററില്‍ പോസ്‌റ്റു ചെയ്‌തിരുന്നതായി അധികൃതര്‍ വ്യക്‌തമാക്കി.
അതേസമയം മുന്നു ബ്രിട്ടീഷ്‌ വിദ്യാര്‍ത്ഥിനികള്‍ ഐ.എസിനൊപ്പം ചേരാന്‍ സിറിയയിലേക്കു കടന്നുവെന്ന വാര്‍ത്ത തങ്ങളെ അറിയിക്കുന്നതില്‍ ബ്രിട്ടണ്‍ വീഴ്‌ച വരുത്തിയെന്നു തുര്‍ക്കി വ്യക്‌തമാക്കി. പെണ്‍കുട്ടികള്‍ ഇസ്‌താമ്പുള്ളിലെത്തി മൂന്നു ദിവസത്തിനു ശേഷമാണ്‌ ബ്രിട്ടണ്‍ ഈ കാര്യം തങ്ങളെ അറിയിച്ചതെന്നും തുര്‍ക്കി അറിയിച്ചു.
from kerala news edited
via IFTTT
