Story Dated: Wednesday, February 25, 2015 03:01
ആലപ്പുഴ: ബോട്ട്‌ സര്‍വീസുകള്‍ മുടങ്ങിയതില്‍ പ്രതിഷേധിച്ച്‌ യൂത്ത്‌ കോണ്‍ഗ്രസ്‌ പ്രവര്‍ത്തകര്‍ സംസ്‌ഥാന ജലഗതാഗത ഓഫീസില്‍ ട്രാഫിക്‌ സൂപ്രണ്ടിനെ തടഞ്ഞുവച്ചു. കെ.എസ്‌.ആര്‍.ടി.സി ബസ്‌ സ്‌റ്റാന്‍ഡില്‍ നിന്നാരംഭിച്ച പ്രകടനം മാവേലിക്കര പാര്‍ലമെന്റ്‌ പ്രസിഡന്റ്‌ സജി ജോസഫ്‌ ഉദ്‌ഘാടനം ചെയ്‌തു.
യാത്രക്കാരെ ബുദ്ധിമുട്ടിക്കുന്ന തരത്തില്‍ മുന്നോട്ടുപോയാല്‍ സംസ്‌ഥാന ജലഗതാഗത വകുപ്പിന്റെ മുഴുവന്‍ സര്‍വീസുകളും സ്‌തംഭിപ്പിക്കുമെന്ന്‌ അദ്ദേഹം പറഞ്ഞു.ഒരുമാസത്തിലധികമായി കുട്ടനാടിന്റെ വിവിധ പ്രദേശങ്ങളായ കൈനകരി, വേണാട്ടുകാട്‌, നെടുമുടി, പുളിങ്കുന്ന്‌, ചമ്പക്കുളം, പുല്ലങ്ങടി, തായങ്കരി, എടത്വാ എന്നിവിടങ്ങളില്‍ ബോട്ട്‌ സര്‍വീസുകള്‍ മുടങ്ങിയതിനാല്‍ നൂറുകണക്കിന്‌ വിദ്യാര്‍ഥികളും യാത്രക്കാരും ബുദ്ധിമുട്ടിലായിരുന്നു.
മുടങ്ങിയ സര്‍വീസുകള്‍ ഇന്ന്‌ പുനഃരാരംഭിക്കുമെന്ന്‌ട്രാന്‍സ്‌പോര്‍ട്ട്‌ സൂപ്രണ്ട്‌ ജോസഫ്‌ സേവ്യര്‍ ഉറപ്പ്‌ നല്‍കിയതിനെ തുടര്‍ന്ന്‌ ഉപരോധം അവസാനിപ്പിച്ചു. കൈനകരി മണ്ഡലം പ്രസിഡന്റ്‌ തോബിന്‍ ഡി. ജോണ്‍ അധ്യക്ഷത വഹിച്ചു. ഷെമീര്‍, സനീഷ്‌, സോബിന്‍, റോബിന്‍ എന്നിവര്‍ പ്രസംഗിച്ചു.
from kerala news edited
via IFTTT
