Story Dated: Thursday, February 26, 2015 02:17
പത്തനംതിട്ട: ഹെഡ്‌പോസ്‌റ്റ്‌ ഓഫീസിനുള്ളില്‍ മൂപ്പിളമ തര്‍ക്കത്തെ തുടര്‍ന്ന്‌ ജീവനക്കാര്‍ തമ്മിലടിച്ചു. രണ്ടു പേര്‍ക്ക്‌ പരുക്ക്‌. ഇരുവരുടെയും പരാതിയില്‍ പോലീസ്‌ കേസ്‌ രജിസ്‌റ്റര്‍ ചെയ്‌തു.
പൂക്കോട്‌ സ്വദേശിയും ഐ.എന്‍.ടി.യു.സി യൂണിയന്‍ നേതാവുമായ രാജു തോമസ്‌, ഇടതുപക്ഷത്തിന്റെ യൂണിയനില്‍പ്പെട്ട ഇലന്തൂര്‍ ഈസ്‌റ്റ്‌ സ്വദേശി ഷാജി എന്നിവരാണ്‌ തമ്മില്‍ അടിച്ചത്‌. രാജു തോമസിന്റെ പര്‍ച്ചേസിംഗ്‌ വിംഗിന്റെ മാനേജരാക്കിയതിനെച്ചൊല്ലിയുള്ള തര്‍ക്കത്തിനൊടുവില്‍ ഇന്നലെ വൈകിട്ട്‌ 4.45 നായിരുന്നു ഇരുവരും ഏറ്റുമുട്ടിയത്‌. രാജു തോമസ്‌ കൈയിലിരുന്ന ബാഗ്‌ കൊണ്ട്‌ ഷാജിയെ അടിക്കുകയായിരുന്നുവത്രേ. ഷാജിയും തിരിച്ചടിച്ചു.
തുടര്‍ന്ന്‌ രണ്ടുപേരും ജനറല്‍ ആശുപത്രിയില്‍ ചികില്‍സ തേടുകയും പോലീസില്‍ പരാതി നല്‍കുകയും ചെയ്‌തു. രണ്ടു പരാതിയിലും പോലീസ്‌ കേസ്‌ രജിസ്‌റ്റര്‍ ചെയ്‌തു.
from kerala news edited
via IFTTT
