Story Dated: Friday, February 27, 2015 02:08
തിരുവനന്തപുരം: ജര്‍മ്മനിയില്‍ നിന്നും മികച്ച എയര്‍റൈഫിള്‍ ഇറക്കുമതി ചെയ്‌തു കൊടുക്കാമെന്നു പറഞ്ഞു ഹരിയാന സ്വദേശിയായ എയര്‍റൈഫിള്‍ ഷൂട്ടറെ കബളിപ്പിച്ച്‌ ഒരു മലയാളി അഞ്ചുലക്ഷത്തിലേറെ രൂപ തട്ടിയെടുത്തതായി പരാതി.
റോഷന്‍ മാത്യു എന്ന ആളാണ്‌ തന്നെ കബളിപ്പിച്ചതെന്ന്‌ ഹരിയാനയിലെ എയര്‍ഫൈിള്‍ ഷൂട്ടര്‍ ദീപക്‌ സൂരി പത്രസമ്മേളനത്തില്‍ പറഞ്ഞു. നാഷണല്‍ എയര്‍റൈഫിള്‍ അസോസിയേഷന്‍ 2013 മെയ്‌മാസം ഡല്‍ഹിയില്‍ നടത്തിയ സ്‌പോര്‍ട്‌സ് ക്രാഫ്‌റ്റ് ഷൂട്ടിംഗ്‌ റേഞ്ചില്‍വച്ചാണ്‌ ഇരുവരും പരിചയപ്പെടുന്നത്‌. 22 റൈഫിള്‍ വാങ്ങിക്കൊടുക്കാമെന്നു പറഞ്ഞ്‌ 25000 രൂപ അഡ്വാന്‍സ്‌ വാങ്ങി. പിന്നീട്‌ പലതവണകളായി 48000 രൂപ പട്യാല സറ്റേറ്റ്‌ ബാങ്കിലെ തന്റെ അമ്മയുടെ അക്കൗണ്ടില്‍ നിന്നും റോഷന്‍മാത്യുവിന്റെ തിരുവനന്തപുരത്തെ എച്ച്‌.ഡി.എഫ്‌. സി അക്കൗണ്ടിലേക്ക്‌ അയച്ചു കൊടുത്തു.
തുക കൊടുത്തതിന്റെ വിശദവിവരം സംബന്ധിച്ച രേഖകളുടെ ഫോട്ടോകോപ്പി പത്രസമ്മേളനത്തില്‍ വിതരണം ചെയ്‌തു. ഇറക്കുമതി ലൈസന്‍സ്‌ കിട്ടാത്തതുകൊണ്ടാണ്‌ റൈഫിള്‍ എത്താത്തതെന്നു പറഞ്ഞു വിശ്വസിപ്പിക്കാന്‍ ശ്രമിച്ചു. റോഷന്‍മാത്യുവിന്റെ പേരില്‍ നടപടി സ്വീകരിക്കണമെന്നും കൊടുത്ത തുക മടക്കിക്കിട്ടാന്‍ ഏര്‍പ്പാടുണ്ടാക്കണമെന്നും അദ്ദേഹം അധികൃതരോടാവശ്യപ്പെട്ടു.
from kerala news edited
via IFTTT
