Story Dated: Friday, February 27, 2015 09:22
തിരുവനന്തപുരം: സിപിഎം സംസ്‌ഥാന സെക്രട്ടറി കോടിയേരി ബാലകൃഷ്‌ണന്‌ പിന്നാലെ പ്രതിപക്ഷ നേതാവ്‌ വി.എസ്‌.അച്യുതാനന്ദന്‍ ഇന്ന്‌ സോളാര്‍ കേസില്‍ മൊഴി നല്‍കും. സോളര്‍ ജുഡീഷ്യല്‍ കമ്മിഷന്‌ മുമ്പാകെയാണ്‌ മൊഴി നല്‍കാന്‍ എത്തുന്നത്‌. തിരുവനന്തപുരം തൈക്കാട്‌ ഗസ്‌റ്റ് ഹൗസിലാണ്‌ സിറ്റിംഗ്‌.
കമ്മീഷന്‍ ഇന്നലെ സിപിഎം സംസ്‌ഥാന സെക്രട്ടറി കോടിയേരി ബാലകൃഷ്‌ണന്റെ മൊഴി രേഖപ്പെടുത്തിയിരുന്നു. വ്യാഴാഴ്‌ച രാവിലെ 11 നാണു കോടിയേരി കമ്മീഷനു മുന്നില്‍ ഹാജരായി തെളിവുകള്‍ സമര്‍പ്പിച്ചത്‌.നേരത്തെ പ്രതിപക്ഷ എംഎല്‍എമാരായ തോമസ്‌ ഐസക്‌, വി എസ്‌ സുനില്‍കുമാര്‍, പി. ശ്രീരാമകൃഷ്‌ണന്‍ എന്നിവരില്‍ നിന്നും മൊഴിയെടുത്തിരുന്നു.
സോളാര്‍ കേസുമായി ബന്ധപ്പെട്ടു നിയമസഭയ്‌ക്ക് അകത്തും പുറത്തും ഉന്നയിച്ച വിഷയങ്ങളാണു കമ്മീഷന്‍ അനേ്വഷിക്കുന്നത്‌. സോളാര്‍ കേസില്‍ ഭീഷണിക്കും ബ്‌ളാക്‌മെയിലിനും മുന്നില്‍ വഴങ്ങില്ലെന്ന്‌ ഇന്നലെ മുഖ്യമന്ത്രി വ്യക്‌തമാക്കിയിരുന്നു. സോളാര്‍ പ്രതിയായ മണിലാലിനെ രക്ഷപെടുത്താന്‍ ഇടപെട്ടു എന്ന ആരോപണത്തിന്‌ പിന്നാലെയാണ്‌ ഉമ്മന്‍ചാണ്ടി നിലപാട്‌ വ്യക്‌തമാക്കിയത്‌.
from kerala news edited
via IFTTT
