Story Dated: Friday, February 27, 2015 02:08
തിരുവനന്തപുരം: ഓപ്പറേഷന്‍ സുരക്ഷയുമായി ബന്ധപ്പെട്ട്‌ രണ്ടാം ദിവസം തിരുവനന്തപുരം സിറ്റിയില്‍ 143 പേര്‍ അറസ്‌റ്റിലായി. വധശ്രമം ഉള്‍പ്പെടെയുള്ള കേസുകളില്‍ പ്രതികളായ രാജാജിനഗര്‍ സ്വദേശി പെറുക്കി സാബു എന്നു വിളിക്കുന്ന സാബു, മൊട്ട പ്രദീപ്‌ എന്നുവിളിക്കുന്ന പ്രദീപ്‌, ചാക്ക സ്വദേശികളായ സുജിത്‌, സുമേഷ്‌,വിഴിഞ്ഞം സ്വദേശി ഷാഫി എന്നുവിളിക്കുന്ന ഹബീബ്‌ എന്നിവരെയും പിടിച്ചുപറി ഉള്‍പ്പെടെയുള്ള നിരവധി കേസുകളില്‍ പ്രതിയായ വിജയകുമാറിനെയും 130 വാറണ്ടുകളിലെ പ്രതികളെയും പിടികൂടി.
കഞ്ചാവ്‌ വില്‌പന നടത്തിയതിന്‌ വലിയതുറ സ്വദേശികളായ ബഞ്ചമിന്‍, റോബിന്‍ എന്നിവരെ പിടികൂടി എന്‍.ഡി.പി.എസ്‌ ആക്‌ട് പ്രകാരം നിയമനടപടി സ്വീകരിച്ചു. സ്‌ഥിരം കുറ്റവാളികളായ മറ്റു രണ്ടുപേരെയും അറസ്‌റ്റുചെയ്‌തിട്ടുണ്ട്‌. നഗരത്തിലെ വിവിധ സ്‌റ്റേഷനുകളിലായി ഒമ്പത്‌പേര്‍ക്കെതിരെ സെക്യൂരിറ്റി നടപടികളും ആരംഭിച്ചു.
from kerala news edited
via IFTTT
