Story Dated: Wednesday, December 10, 2014 01:58
പാലാ: പൈക മാര്‍ക്കറ്റില്‍ ഓട്ടോറിക്ഷയില്‍ വിദേശ മദ്യം വില്‍പന നടത്തിയതിന്‌ എലിക്കുളം മാഞ്ഞൂക്കുളം മുണ്ടയ്‌ക്കല്‍ ഉത്തമന്റെ മകന്‍ എം.യു. ഉന്മേഷിനെ പാലാ എക്‌സൈസ്‌ ഇന്‍സ്‌പെക്‌ടര്‍ പി.വൈ. ചെറിയാന്റെ നേതൃത്വത്തിലുള്ള സംഘം അറസ്‌റ്റ്‌ ചെയ്‌തു. ഏഴു കുപ്പി വിദേശ മദ്യവും ഓട്ടോറിക്ഷയും കസ്‌റ്റഡിയിലെടുത്തു. ഇയാള്‍ മുന്‍ അബ്‌കാരി കേസിലെ പ്രതിയാണ്‌. വിദേശ മദ്യഷാപ്പുകളില്‍നിന്ന്‌ മദ്യം വാങ്ങിച്ച്‌ 150 മുതല്‍ 200 രൂപാ വരെ ലാഭത്തില്‍ ഡ്രൈഡേ ദിവസം അനധികൃതമായി മദ്യം വില്‌ക്കുന്നുവെന്ന രഹസ്യ വിവരത്തെത്തുടര്‍ന്ന്‌ എക്‌സൈസ്‌ ഇയാളെ നിരീക്ഷിച്ചുവരുകയായിരുന്നു. ഉന്മേഷിനെ റിമാന്‍ഡ്‌ ചെയ്‌തു. റെയ്‌ഡില്‍ പ്രിവന്റീവ്‌ ഓഫീസര്‍ സജീവ്‌ എം. ജോണ്‍, സി.ഇ.ഒ.മാരായ മാമ്മന്‍ സാമുവല്‍, ഹരീഷ്‌ചന്ദ്രന്‍, സ്‌റ്റാന്‍ലി ചാക്കോ, എം.ജി. അഭിലാഷ്‌ എന്നിവര്‍ സംബന്ധിച്ചു.
from kerala news edited
via IFTTT
