Story Dated: Tuesday, December 9, 2014 06:19
വാഷിംഗ്‌ടണ്‍: ലോകമെങ്ങും പ്രശസ്‌തിയാര്‍ജിച്ചതും അമേരിക്കയിലെ പ്രധാന കുറ്റാന്വേഷണ ഏജന്‍സിയുമായ സിഐഎ പ്രതിക്കൂട്ടിലാകുന്നു. ഭീകരതയുടെ മറവില്‍ സിഐഎ നടത്തിയ പീഡനങ്ങളുടെ വിവരങ്ങളാണ്‌ പുറംലോകം അറിയാന്‍ പോകുന്നത്‌. പീഡന വിവരങ്ങള്‍ അടങ്ങിയ 480 പേജുള്ള റിപ്പോര്‍ട്ട്‌ സെനറ്റ്‌ ഇന്ന്‌ പുറത്തിറക്കും. ഇതിന്റെ ഭാഗമായി ലോകത്തെ വിവിധ രാജ്യങ്ങളിലുള്ള അമേരിക്കന്‍ സ്‌ഥാനപതികളുടെ കാര്യാലയങ്ങള്‍ക്കും ഇതര സ്‌ഥാപനങ്ങള്‍ക്കും സുരക്ഷ ശക്‌തമാക്കാന്‍ തീരുമാനിച്ചു.
2001ലെ വേള്‍ഡ്‌ ട്രേഡ്‌ സെന്റര്‍ ആക്രമണത്തെ തുടര്‍ന്ന്‌ അമേരിക്ക നടത്തിയ ഓപ്പറേഷനുകളില്‍ പിടിയിലായവരെ സിഐഎ ക്രൂരമായി പീഡിപ്പിച്ച വിവരങ്ങള്‍ ഇതില്‍ ഉള്‍പ്പെടുന്നതായും റിപ്പോര്‍ട്ടുകളുണ്ട്‌. സിഐഎ ഉപയോഗിച്ചുവരുന്ന അന്വേഷണ രീതികളില്‍ മുന്‍പ്‌ പലതവണ പ്രതിഷേധങ്ങള്‍ ഉയര്‍ന്നിരുന്നു. സെനറ്റ്‌ ഇന്റലിജന്‍സ്‌ കമ്മിറ്റി തയ്യാറാക്കിയ 6,000 പേജുള്ള റിപ്പോര്‍ട്ടിലെ 480 പേജുകള്‍ മാത്രമാണ്‌ ഇന്ന്‌ പുറത്തുവരുന്നത്‌.
from kerala news edited
via IFTTT
