Story Dated: Sunday, January 25, 2015 08:48
ന്യൂഡല്‍ഹി: ഡല്‍ഹി നിയമസഭാ തെരഞ്ഞെടുപ്പിന്‌ മുന്നോടിയായി നടക്കുന്ന പ്രചരണ പരിപാടിയെ ശക്‌തിപ്പെടുത്താനും യുവാക്കളെ കൂടുതലായി പാര്‍ട്ടിയിലേക്ക്‌ ആകര്‍ഷിക്കുവാനും പുതിയ മൊബൈല്‍ ആപ്ലിക്കേഷനുമായി ബി.ജെ.പി. രംഗത്ത്‌. 'എ സെല്‍ഫി വിത്ത്‌ മോഡി' എന്ന്‌ പേരിട്ടിരിക്കുന്ന ഈ ആപ്ലിക്കേഷനിലൂടെ ആര്‍ക്കും പ്രധാനമന്ത്രി നരേന്ദ്ര മോഡിക്കൊപ്പം നില്‍ക്കുന്ന സെല്‍ഫി ചിത്രീകരിക്കാം.
ആപ്ലിക്കേഷന്റെ ഉദ്‌ഘാടനം ബി.ജെ.പി അധ്യക്ഷന്‍ അമിത്‌ ഷാ ആദ്യ സെല്‍ഫിയെടുത്ത്‌ നിര്‍വഹിച്ചു. കൂടാതെ ആദ്യമെടുക്കുന്ന 200 സെല്‍ഫികള്‍ ഡല്‍ഹിയിലെ ഖാന്‍ മാര്‍ക്കറ്റില്‍ പ്രദര്‍ശിപ്പിക്കാനും പാര്‍ട്ടി നേതൃത്ത്വം തീരുമാനിച്ചു. ഇതുപോലെ ഡല്‍ഹിയിലെ തിരക്കുള്ള 200 സ്‌ഥലങ്ങളിലും സെല്‍ഫി കോര്‍ണറുകള്‍ സ്‌ഥാപിക്കാനാണ്‌ തീരുമാനം.
ഡല്‍ഹിയിലെ എല്ലാ മണ്ഡലങ്ങളിലും പാര്‍ട്ടി പ്രചരണത്തിനൊപ്പം സെല്‍ഫി പ്രചരണവും നടക്കും. കൂടാതെ പാര്‍ട്ടിയുടെ റോഡ്‌ ഷോകളിലും 'സെല്‍ഫി വിത്ത്‌ മോഡി' തരംഗമാകുമെന്നാണ്‌ പാര്‍ട്ടി പ്രവര്‍ത്തകരുടെ വാദം.
from kerala news edited
via IFTTT
