Story Dated: Sunday, January 25, 2015 03:53
ന്യൂഡല്‍ഹി: മഹാത്മാ ഗാന്ധിയുടെ ആത്മാവ്‌ ഇന്നും ഇന്ത്യയില്‍ ജീവിക്കുന്നെന്ന്‌ അമേരിക്കന്‍ പ്രസിഡന്റ്‌ ബരാക്ക്‌ ഒബാമ. മൂന്ന്‌ ദിവസത്തെ ഇന്ത്യ സന്ദര്‍ശനത്തിന്‌ ഇന്ത്യയിലെത്തിയ ഒബാമ രാജ്‌ഘട്ടില്‍ പുഷ്‌പ്പാര്‍ച്ചന നടത്തിയ ശേഷം സന്ദര്‍ശക ഡയറിയിലാണ്‌ ഇപ്രകാരം കുറിച്ചത്‌. ഗാന്ധിജിയുടെ ആശയങ്ങള്‍ ലോകത്തിനുള്ള സമ്മാനമാണെന്നും ഒബാമ കുറിച്ചു.
'അന്ന്‌ ഡോ. മാര്‍ട്ടിന്‍ ലൂഥര്‍ കിങ്‌ ജൂനിയര്‍ പറഞ്ഞത്‌ ഇന്നും സത്യമാണ്‌ - ഗാന്ധിയുടെ ആത്മാവ്‌ ഇന്നും ഇന്ത്യയില്‍ ജീവിക്കുന്നു. ലോകത്തിനുള്ളൊരു സമ്മാനമാണിത്‌. നാം എല്ലാവരും, ലോകമെങ്ങുമുള്ള എല്ലാ രാജ്യങ്ങളും അവിടുത്തെ ജനങ്ങളും, അദേഹം പ്രചരിപ്പിച്ച സ്‌നേഹത്തിലും സമാധാനത്തിലും എന്നും ജീവിക്കാനിടവരട്ടെ'- രാജ്‌ഘട്ടിലെ സന്ദര്‍ശക ഡയറിയില്‍ ഒബാമ കുറിച്ചു.
രാഷ്‌ട്രപതി ഭവനിലെ ഔദ്യോഗിക സ്വീകരണത്തിന്‌ ശേഷമാണ്‌ ഒബാമ രാജ്‌ഘട്ട്‌ സന്ദര്‍ശിച്ചത്‌. രാജ്‌ഘട്ടില്‍ പുഷ്‌പ്പാര്‍ച്ചന നടത്തിയ ശേഷം അദ്ദേഹം ഗാന്ധി സമാധിയില്‍ മരം നട്ടു. രാജ്‌ഘട്ട്‌ സന്ദര്‍ശിച്ച ഒബാമയ്‌ക്ക് ചര്‍ക്ക സമ്മാനമായി നല്‍കി.
from kerala news edited
via IFTTT
