കുവൈറ്റില്‍ വാഹനാപകടത്തില്‍ മലയാളി ഉള്‍പ്പടെ രണ്ട് ഇന്ത്യക്കാര്‍ മരിച്ചു
Posted on: 25 Jan 2015
കുവൈറ്റ് സിറ്റി: കുവൈറ്റിലുണ്ടായ വാഹനാപകടത്തില്‍ മലയാളി ഉള്‍പ്പടെ രണ്ട് ഇന്ത്യക്കാര്‍ മരിച്ചു. കെ.ഒ.സി-കുവൈറ്റ് കരാര്‍ കമ്പനിയായ ഇറിസ്‌കോയിലെ ജീവനക്കാരാണ് മരിച്ചത്. കാസര്‍കോട് അംഗഡിമുഗള്‍ ബാദ്ദറിലെ ഹുസൈനാറിന്റെ മകന്‍ ചെക്കട്ടച്ചാല്‍ ഉമര്‍ ഫറൂഖ്(20) യു.പി സ്വദേശി സയ്യിദ് എന്നിവരാണ് മരിച്ചത്.
നാല് മാസം മുമ്പാണ് ഉമര്‍ ഫറൂഖ് കുവൈറ്റിലെത്തിയത്. ഇറിസ്‌കോ കമ്പനിയിലെ ആറ് ജീവനക്കാര്‍ സഞ്ചരിച്ചിരുന്ന പജീറോ വാഹനമാണ് അപകടത്തില്‍ പെട്ടത്. ഈജിപ്ത് സ്വദേശിയായ ഡ്രൈവര്‍ ഉള്‍പ്പടെ പരിക്കേറ്റ നാല് പേര്‍ ഗുരുതരാവസ്ഥയില്‍ ചികിത്സയിലാണ്.
പി.സി ഹരീഷ്‌
from kerala news edited
via IFTTT
