Story Dated: Sunday, January 25, 2015 05:48
ന്യൂഡല്‍ഹി : ഇന്ത്യ-അമേരിക്ക ആണവ കരാര്‍ യാഥാര്‍ത്ഥ്യമായതായി പ്രധാനമന്ത്രി നരേന്ദ്രമോഡിയും അമേരിക്കന്‍ പ്രസിഡന്റ്‌ ബരാക്‌ ഒബാമയും നടത്തിയ സംയുക്‌ത വാര്‍ത്താ സമ്മേളനത്തില്‍ വ്യക്‌തമാക്കി. ആണവ കരാര്‍ വിഷയത്തില്‍ നിലനിന്നിരുന്ന തര്‍ക്കങ്ങളെല്ലാം പരിഹരിച്ചു. കരാര്‍ വാണിജ്യ പരമായി യാഥാര്‍ത്ഥ്യമാക്കാനുള്ള നീക്കത്തിലാണ്‌. വ്യവസ്‌ഥകളില്‍ ഇരു രാജ്യങ്ങളും വിട്ടു വീഴ്‌ചയ്‌ക്ക് തയാറായതായും ഹൈദരാബാദ്‌ ഹൗസില്‍ നടത്തിയ സംയുക്‌ത വാര്‍ത്താ സമ്മേളനത്തില്‍ വ്യക്‌തമാക്കി.
വാണിജ്യ നിക്ഷേപ മേഖലകളില്‍ ഇന്ത്യ തന്ത്രപരമായ പങ്കാളിയാണെന്ന്‌ ഒബാമ പറഞ്ഞു. ഇന്നത്തെ ചര്‍ച്ചയില്‍ രണ്ട്‌ നിര്‍ണ്ണായക തീരുമാനങ്ങളാണ്‌ ഉണ്ടായിരിക്കുന്നതെന്നും അദ്ദേഹം പറഞ്ഞു. ഇന്ത്യ-യു.എസ്‌ ബന്ധം പുതിയ തലത്തിലേക്കാണെന്ന്‌ പ്രധാനമന്ത്രി നരേന്ദ്ര മോഡി പറഞ്ഞു. പ്രതിരോധ കരാറുകള്‍ പുതുക്കാനും പ്രതിരോധ മേഖലയിലും സമുദ്ര സുരക്ഷയിലും സഹകരണം മെച്ചപ്പെടുത്താനും തീരുമാനമായിട്ടുണ്ട്‌. ആണവബാധ്യതാ വ്യവസ്‌ഥകള്‍ സംബന്ധിച്ചും ധാരണയായി. ഭീകരതയ്‌ക്കെതിരെ ഇരു രാജ്യങ്ങളും ഒരുമിച്ച്‌ പ്രവര്‍ത്തിക്കും.
പ്രസിഡന്റ്‌ ഒബാമയാണ്‌ വാര്‍ത്താ സമ്മേളനത്തില്‍ കൂടുതല്‍ കാര്യങ്ങള്‍ വ്യക്‌തമാക്കിയത്‌. 'നമസ്‌തേ ഇന്ത്യ' എന്ന്‌ അഭിസംബോധന ചെയ്‌തുകൊണ്ടാണ്‌ അദ്ദേഹം സംസാരിക്കാന്‍ തുടങ്ങിയത്‌. നിറഞ്ഞ പുഞ്ചിരിയോടെ ഇടയ്‌ക്കിടെ ഹിന്ദിയിലും അദ്ദേഹം സംസാരിക്കാന്‍ ശ്രമിച്ചു. ഒബാമയുമായി തനിക്കുള്ളത്‌ വ്യക്‌തിപരമായ ബന്ധമാണെന്ന്‌ നരേന്ദ്ര മോഡി വ്യക്‌തമാക്കി. ഇരുവരും തമ്മില്‍ നിലനില്‍ക്കുന്ന സൗഹൃദം വാര്‍ത്താസമ്മേളനം നടത്തുന്ന വേളയിലും പ്രതിഫലിച്ചിരുന്നു.
from kerala news edited
via IFTTT
