ക്രെയിന്‍ കെട്ടിടത്തിന് മുകളിലേക്ക് മറിഞ്ഞുവീണു
Posted on: 26 Jan 2015
അബുദാബി: ഹംദാന്‍ സ്ട്രീറ്റില്‍ ക്രെയിന്‍ കെട്ടിടത്തിന് മുകളിലേക്ക് മറിഞ്ഞുവീണു. ഹംദാന്‍ സ്ട്രീറ്റും സലാം സ്ട്രീറ്റും ചേരുന്ന ഭാഗത്ത്, പള്ളിയോടുചേര്‍ന്നുള്ള കെട്ടിടത്തിന്മേലാണ് ക്രെയില്‍ വീണത്. വീഴ്ചയുടെ ആഘാതത്തില്‍ തൊട്ടടുത്തുള്ള കെട്ടിടത്തിന്റെ ജനലുകളും ചുമരും പൊളിഞ്ഞിട്ടുണ്ട്.
ആളുകള്‍ പതിവായി പള്ളിയിലേക്ക് നടന്നുവരാറുള്ള ഇടവഴി അടഞ്ഞിരിക്കുകയാണ്. സുവാദി ആന്‍ഡ് ഷംസ് കോണ്‍ട്രാക്ടിങ് കമ്പനിയുടെ ഉടമസ്ഥതയിലുള്ളതാണ് ക്രെയിന്‍. വളരെ അപൂര്‍വമായേ അബുദാബിയില്‍ ഇത്തരത്തിലുള്ള അപകടങ്ങള്‍ റിപ്പോര്‍ട്ട് ചെയ്യാറുള്ളൂ. ക്രെയിന്‍ ഓപ്പറേറ്ററുടെ പരിചയക്കുറവുകൊണ്ടും അശാസ്ത്രീയമായി നിര്‍ത്തിയിടുന്നത് കൊണ്ടുമൊക്കെയാണ് ഇത്തരത്തില്‍ അപകടം സംഭവിക്കാറുള്ളത്.
from kerala news edited
via IFTTT
