പാര്‍ക്കിങ് കെട്ടിടത്തില്‍നിന്ന് കാര്‍ താഴെവീണ് സ്ത്രീ മരിച്ചു
Posted on: 26 Jan 2015
അബുദാബി: ബഹുനില പാര്‍ക്കിങ് കെട്ടിടത്തില്‍നിന്ന് കാര്‍ താഴെ വീണു. കാറിലുണ്ടായിരുന്ന കാറുടമ തത്ക്ഷണം മരിച്ചു. 54-കാരിയായ യൂറോപ്പ് സ്വദേശിയാണ് മരിച്ചത്.
ഞായറാഴ്ച രാത്രി എട്ടിന് ഖലീഫ സ്ട്രീറ്റിലാണ് അപകടം നടന്നത്. ഖലീഫ എനര്‍ജി കോംപ്ലക്‌സിലെ ഒരു കെട്ടിടത്തിലെ പാര്‍ക്കിങ്ങിന്റെ ആറാംനിലയില്‍ വെച്ച് വാഹനം താഴെ വീഴുകയായിരുന്നു. കാര്‍ പിറകോട്ടെടുക്കുന്നതിനിടെയാണ് അപകടം സംഭവിച്ചതെന്നാണ് പ്രാഥമികനിഗമനമെന്ന് അബുദാബി പോലീസിലെ മേജര്‍ സഈദ് അല്‍ ദാഹിരി വ്യക്തമാക്കി.
സംഭവം നടന്നയുടന്‍തന്നെ പോലീസും ആംബുലന്‍സ് സംഘങ്ങളും സ്ഥലത്തെത്തിയതായും അദ്ദേഹം ചൂണ്ടിക്കാട്ടി. പോലീസ് അന്വേഷണം ആരംഭിച്ചിട്ടുണ്ട്. അപകടത്തിന്റെ ചിത്രങ്ങള്‍ ആഭ്യന്തര മന്ത്രാലയം വെബ്‌സൈറ്റില്‍ പ്രസിദ്ധീകരിച്ചിട്ടുണ്ട്. കാര്‍ പൂര്‍ണമായും തകര്‍ന്നതായി ചിത്രങ്ങള്‍ സൂചിപ്പിക്കുന്നു.
from kerala news edited
via IFTTT
