Story Dated: Sunday, January 25, 2015 05:59
തിരുവനന്തപുരം : മുഖ്യമന്ത്രി ഉമ്മന്‍ചാണ്ടി തലസ്ഥാനത്ത് എത്തിയാല്‍ ഉടന്‍ താന്‍ രാജിക്കത്ത്‌ നല്‍കുമെന്ന്‌ കേരളാ കോണ്‍ഗ്രസ്‌ (ബി) ചെയര്‍മാന്‍ ആര്‍. ബാലകൃഷ്‌ണപിള്ള. മുന്‍പും പലപ്രശ്‌നങ്ങളിലും മന്ത്രിമാര്‍ ധാര്‍മ്മികതയുടെ പേരില്‍ രാജിവെച്ചിട്ടുണ്ട്‌. യു.ഡി.എഫ്‌ സ്വീകരിക്കുന്ന നടപടികളില്‍ താന്‍ വ്രണിത ഹൃദയനാണ്‌. കേരളാ കോണ്‍ഗ്രസ്‌ (ബി) മുന്നണി വിട്ടാല്‍ യു.ഡി.എഫിന്റെ മുഖം വികൃതമാകുമെന്നും പിള്ള കൂട്ടിച്ചേര്‍ത്തു.
കെ.എം മാണിയ്‌ക്കെതിരെ ബാലകൃഷ്‌ണപിള്ള ഒന്നും പറഞ്ഞിട്ടില്ലെന്ന്‌ മുഖ്യമന്ത്രി കഴിഞ്ഞ ദിവസം പറഞ്ഞിരുന്നു. എന്നാല്‍ , ഇക്കാര്യം പരുമല പള്ളിയില്‍ വന്ന്‌ സത്യം ചെയ്യാന്‍ ഉമ്മന്‍ചാണ്ടി തയാറാണോ എന്ന്‌ പിള്ള വെല്ലുവിളിച്ചിരുന്നു. ബാലകൃഷ്‌ണ പിള്ളയുടെ വെല്ലുവിളിയ്‌ക്കുള്ള മറുപടി ഈ മാസം 28 ന്‌ ചേരുന്ന യു.ഡി.എഫ്‌ യോഗത്തിനു ശേഷം നല്‍കാമെന്ന്‌ ഉമ്മന്‍ചാണ്ടി പ്രതികരിച്ചിരുന്നു. ഇതേതുടര്‍ന്ന്‌ , അഴിമതിക്കാര്‍ക്കെതിരെ പ്രതികരിച്ചതിന്റെ പേരില്‍ തന്നെ പുറത്താക്കിയാല്‍ സന്തോഷപൂര്‍വ്വം സ്വാഗതം ചെയ്യുമെന്നും പിളള പറഞ്ഞിരുന്നു.
from kerala news edited
via IFTTT
