Story Dated: Sunday, January 25, 2015 07:24
കോട്ടയം: ബാര്‍ കോഴ ആരോപണം നേരിടുന്ന ധനമന്ത്രി കെ.എം മാണി രാജിവയ്‌ക്കാന്‍ തയ്യാറായില്ലെങ്കില്‍ അദ്ദേഹം മാറി നില്‍ക്കാന്‍ മുഖ്യമന്ത്രി ആവശ്യപ്പെടണമെന്ന്‌ കോണ്‍ഗ്രസ്‌ നേതാവ്‌ എം.എം ജേക്കബ്‌. അടിയന്തരമായി കെ.പി.സി.സി യോഗം വിളിക്കണമെന്നും വിഷയത്തില്‍ സുധീരന്‍ നിലപാട്‌ വ്യക്‌തമാക്കണമെന്നും ജേക്കബ്‌ ആവശ്യപ്പെട്ടു. കോട്ടയത്ത്‌ മാധ്യമങ്ങളോട്‌ സംസാരിക്കുകയായിരുന്നു അദ്ദേഹം.
അതേസമയം കെ.എം മാണിയെ പിന്തുണച്ച്‌ പി.ജെ ജോസഫ്‌ രംഗത്ത്‌ വന്നു. മാണിയുടെ രാജി പാര്‍ട്ടി ചര്‍ച്ച ചെയ്‌തിട്ടില്ല. ബജറ്റ്‌ മാണി തന്നെ അവതരിപ്പിക്കുമെന്നും പി.ജെ ജോസഫ്‌ പറഞ്ഞു. പി.സി ജോര്‍ജിന്റെ അഭിപ്രായങ്ങള്‍ വ്യക്‌തിപരമാണെന്നും ജോസഫ്‌ തൊടുപുഴയില്‍ പറഞ്ഞു.
കേരള കോണ്‍ഗ്രസ്‌ നേതാക്കള്‍ വിവാദ പ്രസ്‌താവനകള്‍ ഒഴിവാക്കണമെന്ന്‌ കേരള കോണ്‍ഗ്രസ്‌ നേതാവ്‌ ഫ്രാന്‍സിസ്‌ ജോര്‍ജ്‌ ആവശ്യപ്പെട്ടു. ഉചിതമായ സമയത്ത്‌ പാര്‍ട്ടി ഉചിതമായ തീരുമാനങ്ങള്‍ കൈക്കൊള്ളുമെന്നും ഫ്രാന്‍സിസ്‌ ജോര്‍ജ്‌ പറഞ്ഞു.
from kerala news edited
via IFTTT
