Story Dated: Friday, January 9, 2015 11:46
ചെന്നൈ: ഡി.എം.കെ അധ്യക്ഷനായി എം.കരുണാനിധിയെ തുടര്‍ച്ചയായ പതിനൊന്നാം തവണയും തെരഞ്ഞെടുക്കപ്പെട്ടു. പുതുതായി തെരഞ്ഞെടുക്കപ്പെട്ട ജനറല്‍ കൗണ്‍സിലാണ് കരുണാനിധിയെ തത്സ്ഥാനത്തേക്ക് തെരഞ്ഞെടുത്തത്. പാര്‍ട്ടി ജനറല്‍ സെക്രട്ടറിയായി കെ.അന്‍പഴകനെയും ട്രഷററായി എം.കെ സ്റ്റാലിനെയും വീണ്ടും തെരഞ്ഞെടുത്തു. ജനറല്‍ സെക്രട്ടറി സ്ഥാനത്തേക്ക് സ്റ്റാലിന്‍ മത്സരിച്ചേക്കുമെന്ന് നേരത്തെ അഭ്യൂഹമുണ്ടായിരുന്നുവെങ്കിലും സ്റ്റാലിന്‍ തന്നെ അക്കാര്യം കഴിഞ്ഞ ദിവസം നിഷേധിച്ചിരുന്നു.
1979 ജുലായ് 27നാണ് കരുണാനിധി ആദ്യമായി പാര്‍ട്ടി അധ്യക്ഷ പദവിയില്‍ എത്തുന്നത്.
from kerala news edited
via IFTTT
