സാന്‍ അന്റോണിയോയിലെ ക്രിസ്മസ് ആഘോഷം വര്‍ണ്ണാഭമായി
Posted on: 09 Jan 2015
സാന്‍ അന്റോണിയ: സെന്റ് ആന്റണീസ് ക്‌നാനായ പള്ളിയില്‍ പതിവുപോലെ ഈവര്‍ഷവും വിപുലമായ രീതിയില്‍ ക്രിസ്മസ് ആഘോഷിച്ചു. പള്ളിയിലെ ഭക്ത സംഘടനകളുടെ നേതൃത്വത്തില്‍ ഇടവകയിലെ എല്ലാ ഭവനങ്ങളിലുമെത്തി കരോള്‍ ഗാനങ്ങള്‍ ആലപിക്കുകയും ക്രിസ്തുമസ് ഫ്രണ്ടുകള്‍ക്ക് വേണ്ടിയുള്ള സമ്മാനം കൈമാറുകയും ചെയ്തു. കൂടാര യോഗങ്ങളുടെ വാര്‍ഷികം ദിവ്യബലിയോടെ ആരംഭിച്ചു. തുടര്‍ന്ന് കലാസന്ധ്യയും കൊച്ചുകുട്ടികളുടെ വിവിധ കലാപരിപാടികളും അരങ്ങേറി.
2014-ലെ ബൈബിള്‍ ക്വിസ് മത്സരത്തില്‍ ഷിന്റോ -സായ്‌മോള്‍ ദമ്പതികള്‍ എവര്‍റോളിംഗ് ട്രോഫി കരസ്ഥമാക്കി. കുട്ടികളുടെ ബൈബിള്‍ ക്വിസ് മത്സരത്തില്‍ തരുണ്‍ കാരക്കാട്ട് എവര്‍റോളിംഗ് ട്രോഫിയും മറ്റ് മത്സരാര്‍ത്ഥികള്‍ പെര്‍ഫോമന്‍സ് വിന്നിംഗ് അവാര്‍ഡും നേടി. വിഭവസമൃദ്ധമായ സ്‌നേഹവിരുന്നോടെ പരിപാടികള്‍ സമാപിച്ചു.
ജോയിച്ചന്‍ പുതുക്കുളം
from kerala news edited
via IFTTT
