Story Dated: Friday, January 9, 2015 03:15
പാലക്കാട്‌: മുപ്പത്തിരണ്ടാമത്‌ കേരള ടെക്‌നിക്കല്‍ ഹൈസ്‌കൂള്‍ കായികമേള മരുതറോഡിലെ പാലക്കാട്‌ ഗവ. ടെക്‌നിക്കല്‍ ഹൈസ്‌കൂളില്‍ തുടങ്ങി. ജില്ലാ പഞ്ചായത്ത്‌ പ്രസിഡന്റ്‌ ടി.എന്‍. കണ്ടമുത്തന്‍ ഉദ്‌ഘാടനം ചെയ്‌തു. മലമ്പുഴ ബ്ലോക്‌ പഞ്ചായത്ത്‌ പ്രസിഡന്റ്‌ പി. രാധാകൃഷ്‌ണന്‍ അധ്യക്ഷതവഹിച്ചു. ഗ്രാമപഞ്ചായത്ത്‌ പ്രസിഡന്റുമാരായ എം. ശിവകുമാര്‍, വി. ശശിധരന്‍, ജില്ലാപഞ്ചായത്ത്‌ വിദ്യാഭ്യാസ സ്‌റ്റാന്റിങ്‌ കമ്മിറ്റി ചെയര്‍മാന്‍ പി.സി. അശോക്കുമാര്‍, സീമ എന്നിവര്‍ സംസാരിച്ചു. സാങ്കേതിക വിദ്യാഭ്യാസ വകുപ്പ്‌ കോഴിക്കോട്‌ ജോ.ഡയറക്‌ടര്‍ എന്‍. ശാന്തകുമാര്‍ സ്വാഗതവും ജനറല്‍ കണ്‍വീനര്‍ പി.കെ. മുരളികൃഷ്‌ണന്‍ നന്ദിയും പറഞ്ഞു. വെള്ളിയാഴ്‌ച രാവിലെ 7.30 മുതല്‍ കായിക മത്സരങ്ങള്‍ നടക്കും. 52 ഇനങ്ങളിലാണ്‌ മല്‍സരങ്ങള്‍. സംസ്‌ഥാനത്തെ 48 ടെക്‌നിക്കല്‍ ഹൈസ്‌കൂളുകളില്‍ നിന്നായി 1000 ത്തോളം കായിക താരങ്ങളാണ്‌ പങ്കെടുക്കുന്നത്‌. മേള ശനിയാഴ്‌ച സമാപിക്കും.
from kerala news edited
via IFTTT
