Story Dated: Tuesday, February 3, 2015 02:23
മക്കരപ്പറമ്പ്‌: ദേശീയപാതയിലെ അപകടവളവെന്നറിയപ്പെടുന്ന മക്കരപ്പറമ്പിനടുത്ത കാച്ചിനിക്കാട്‌ സ്‌കൂള്‍ വിദ്യാര്‍ഥികളുമായി പോകുന്ന ഓട്ടോയില്‍ ബസ്സിടിച്ചു ഡ്രൈവറുള്‍പ്പെടെ അഞ്ചു പേര്‍ക്കു പരുക്ക്‌. പ്രദേശത്തു അപകടം തുടര്‍ക്കഥയാവുന്നതില്‍ പ്രതിഷേധിച്ചു നാട്ടുകാര്‍ ഗതാഗതം തടസ്സപ്പെടുത്തി.
മക്കരപ്പറമ്പ്‌ ഹൈസ്‌കൂള്‍ വിദ്യാര്‍ഥികളെ കയറ്റി പോവുകയായിരുന്ന ഓട്ടോറിക്ഷയില്‍ മറ്റൊരു വാഹനത്തെ മറികടന്ന്‌ അമിത വേഗതയില്‍ എത്തിയ സ്വകാര്യ ലിമിറ്റഡ്‌ സ്‌റ്റോപ്പ്‌ ബസ്‌ ഇടിക്കുകയായിരുന്നു. അപകട മരണങ്ങള്‍ നിരവധി നടന്നിട്ടുള്ള വളവില്‍ ഹമ്പ്‌ സ്‌ഥാപിക്കുകയോ മറ്റുള്ള മാര്‍്‌്ണ്മങ്ങള്‍ നിര്‍ദ്ദേശിക്കുകയോ ചെയ്ണമെയന്നായിരുന്നു നാട്ടുകാരുടെ ആവശ്യം.ഓരോ അപകടങ്ങള്‍ സംഭവിക്കുമ്പോഴും അധികൃതരെത്തി വാഗ്‌ദാനങ്ങള്‍ നല്‍കി മടങ്ങുകയാണ്‌ പതിവ്‌. ഇതിനു മറുപടിയായിട്ടാണ്‌ രണ്ടര മണിക്കൂര്‍ കോഴിക്കോട്‌ - പാലക്കാട്‌ ദേശീയ പാത ഉപരോധിച്ചത്‌.
സംഘര്‍ഷം കണക്കിലെടുത്ത്‌ മലപ്പുറം, പെരിന്തല്‍മണ്ണ, മങ്കട പോലീസ്‌ സ്‌റ്റേഷനുകളില്‍ നിന്ന്‌ പോലീസ്‌ സംഘം ക്യാമ്പു ചെയ്‌തിരുന്നു. ടി.എ അഹമ്മദ്‌ കബീര്‍ എം.എല്‍.എ, മക്കരപ്പറമ്പ്‌ ഗ്രാമപഞ്ചായത്തു പ്രസിഡന്റ്‌ പി. മുഹമ്മദ്‌, സബ്‌ കളക്‌ടര്‍ അമിത്‌ മീണ തുടങ്ങിയവരുടെ നേതൃത്വത്തില്‍ നാട്ടുകാര്‍ നടത്തിയ ചര്‍ച്ചയില്‍ അപകട വളവില്‍ ഹമ്പ്‌ സ്‌ഥാപിക്കാന്‍ ധാരണയായി. പരിക്കേറ്റവര്‍ക്ക്‌ ഉടന്‍ നഷ്‌ടപരിഹാരം നല്‍കാന്‍ ബസ്‌ ഉടമക്ക്‌ കര്‍ശന നിര്‍ദ്ദേശവും നല്‍കി. പരുക്കേറ്റവര്‍ പെരിന്തല്‍മണ്ണ സ്വകാര്യ ആശുപത്രിയില്‍ ചികിത്സയിലാണ്‌. വൈകുന്നേരത്തോടെ ജനകീയ കൂട്ടായ്‌മയില്‍ ഹമ്പ്‌ സ്‌ഥാപിച്ചു.
from kerala news edited
via IFTTT
