Story Dated: Tuesday, February 3, 2015 02:24
പാലക്കാട്‌: ഗുണ്ടര്‍ട്ട്‌ അനുസ്‌മരണവും പ്രദര്‍ശനവും നാലിന്‌ രാവിലെ 10.30 മുതല്‍ 8 മണിവരെ ബി.ഇ.എം.എച്ച്‌.എസില്‍ നടക്കുമെന്ന്‌ സംഘാടകര്‍ പത്രസമ്മേളനത്തില്‍ അറിയിച്ചു. മലയാള ഭാഷക്കും സംസ്‌കാരത്തിനും സമഗ്രസംഭാവന ചെയ്‌ത ജര്‍മന്‍കാരനായ ഡോ: ഹെര്‍മ്മന്‍ ഗുണ്ടര്‍ട്ടിന്റെ 201 ാം ജന്മദിനാഘോഷത്തിന്റെ ഭാഗമായാണ്‌ പരിപാടി സംഘടിപ്പിക്കുന്നത്‌. പ്രഫ. കെ. ശശികുമാര്‍ ഉദ്‌ഘാടനം ചെയ്യും. റവ. സാജു ബെഞ്ചമിന്‍ അധ്യക്ഷത വഹിക്കും. ബാസല്‍ മിഷന്‍ പ്രവര്‍ത്തനങ്ങളുമായി ബന്ധപ്പെട്ട്‌ കേരളത്തിലെത്തിയ ഗുണ്ടര്‍ട്ട്‌ മലബാറിലെ പ്രഥമ സ്‌കൂള്‍ ഇന്‍സ്‌പെക്‌ടറായിരിക്കെ 1867ല്‍ ബി.ഇ.എം ഹൈസ്‌കൂള്‍ സന്ദര്‍ശിച്ചിട്ടുണ്ട്‌.
പ്രസാധക ചരിത്രത്തിലെ നാള്‍ വഴി രേഖപ്പെടുത്തുന്ന രേഖകള്‍ക്ക്‌ പുറമെ ഗുണ്ടര്‍ട്ടിന്റെ സമഗ്രസംഭാവനങ്ങളും പ്രദര്‍ശനത്തിലുണ്ടാകും. സ്‌കൂള്‍ വിദ്യാര്‍ഥികള്‍ക്കും ഗവേഷണ വിദ്യാര്‍ഥികള്‍ക്കും ഏറെ പ്രയോജനപ്പെടും. പത്രസമ്മേളനത്തില്‍ ഹെഡ്‌മാസ്‌റ്റര്‍ മുരളി ഡെന്നീസ്‌, ഡെപ്യൂട്ടി ഹെഡ്‌മാസ്‌റ്റര്‍ രാജന്‍ വര്‍ഗീസ്‌, മദര്‍ പി.ടി.എ പ്രസിഡന്റ്‌ വാണി പി. നായര്‍, എഡ്വേര്‍ഡ്‌ പ്രശാന്ത്‌. എം, സ്വാലിഹ്‌ പങ്കെടുത്തു.
from kerala news edited
via IFTTT
