Story Dated: Monday, February 2, 2015 07:59
മാവേലിക്കര : വിവാഹചടങ്ങില്‍ പങ്കെടുക്കവേ റിട്ട. കെ.എസ്‌.ആര്‍.ടി.സി ഉദ്യോഗസ്‌ഥന്‍ കുഴഞ്ഞുവീണു മരിച്ചു. ചെട്ടികുളങ്ങര കൈതവടക്ക്‌ ചെമ്പോലില്‍ വീട്ടില്‍ എന്‍. രാമചന്ദ്രനാചാരി (71)അയിരൂര്‍ ചെറുകോല്‍പ്പുഴ പുതിയകാവ്‌ ദേവീക്ഷേത്രത്തില്‍ വിവാഹചടങ്ങില്‍ പങ്കെടുക്കവേ കുഴഞ്ഞുവീഴുകയായിരുന്നു. ഉടന്‍ തന്നെ കോഴഞ്ചേരിയിലെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. കെ.എസ്‌.ആര്‍.ടി.സി റിട്ട. ചീഫ്‌ ട്രാന്‍സ്‌പോര്‍ട്ട്‌ ഓഫീസര്‍, അഖിലേകരള വിശ്വകര്‍മ മഹാസഭ മുന്‍ സംസ്‌ഥാന വൈസ്‌പ്രസിഡന്റ്‌, ശ്രീദേവിവിലാസം ഹിന്ദുമത കണ്‍വന്‍ഷന്‍ മുന്‍ എക്‌സി. അംഗം, കൈതവടക്ക്‌ ഹൈന്ദവകരയോഗം മുന്‍പ്രസിഡന്റ്‌, കോണ്‍ഗ്രസ്‌ ചെട്ടികുളങ്ങര മണ്ഡലം കമ്മിറ്റി വൈസ്‌പ്രസിഡന്റ്‌ എന്നീ നിലകളില്‍ പ്രവര്‍ത്തിച്ചിരുന്നു. ചെട്ടികുളങ്ങര ദേവീ ക്ഷേത്രം സനാതന ധര്‍മ്മ സേവാസംഘം എക്‌സി. അംഗം കോണ്‍ഗ്രസ്‌ കായംകുളം ബ്ലോക്ക്‌ കമ്മിറ്റി സെക്രട്ടറി എന്നീ നിലകളില്‍ പ്രവര്‍ത്തിച്ചു വരികയായിരുന്നു. സംസ്‌ക്കാരം ഇന്ന്‌ രാവിലെ 11 ന്‌. ഭാര്യ കൗസല്യ. മക്കള്‍ : ശോഭ (സി.എച്ച്‌.എം വഴുവാടി വി.എച്ച്‌.യു.പി.എസ്‌), ഗീത (അധ്യാപിക, പടിഞ്ഞാറ്റിന്‍മുറി എല്‍.പി.എസ്‌, മലപ്പുറം), ദേവീദാസ്‌. ആര്‍ (ചെട്ടികുളങ്ങര എച്ച്‌.എസ്‌), ജയചന്ദ്രന്‍. ആര്‍ (ആചാര്യവാസ്‌തുകേന്ദ്രം ചെട്ടികുളങ്ങര). മരുമക്കള്‍ : തിലകരാജ്‌ (നെല്ല്‌ ഗവേഷണ കേന്ദ്രം കായംകുളം), ദിവാകരന്‍ (എം.എസ്‌.പി മലപ്പുറം), നിഷ, മായ.
from kerala news edited
via IFTTT
