Story Dated: Sunday, February 1, 2015 08:30
ന്യൂഡല്‍ഹി: നരേന്ദ്ര മോഡി സര്‍ക്കാര്‍ പിന്തുടരുന്നത്‌ യു.പി.എ. സര്‍ക്കാരിന്റെ നയങ്ങളാണെന്ന്‌ കോണ്‍ഗ്രസ്‌ അധ്യക്ഷ സോണിയാ ഗാന്ധി. ഡല്‍ഹിയില്‍ ബദാര്‍പൂരില്‍ നടന്ന തെരഞ്ഞെടുപ്പ്‌ റാലിയില്‍ സംസാരിക്കുകയായിരുന്നു അവര്‍. ഡല്‍ഹിയില്‍ സ്‌ത്രീകള്‍ക്ക്‌ നേരെയുണ്ടാകുന്ന അതിക്രമങ്ങള്‍ തടയുന്നതില്‍ ബി.ജെ.പി. പരാജയപ്പെട്ടുവെന്ന്‌ സോണിയ ഗാന്ധി ആരോപിച്ചു. കേന്ദ്ര സര്‍ക്കാര്‍ ഭക്ഷ്യ സുരക്ഷ അട്ടിമറിച്ചുവെന്നും അവര്‍ കുറ്റപ്പെടുത്തി. മോഡി സര്‍ക്കാരിന്‌ വാഗ്‌ദാനങ്ങള്‍ പാലിക്കാനായില്ല. കള്ളപ്പണം തിരികെ കൊണ്ടുവരുന്നതില്‍ സര്‍ക്കാര്‍ പരാജയപ്പെട്ടു.
സംസ്‌ഥാനത്തെ മലിനീകരണം ജനങ്ങളുടെ ആരോഗ്യത്തെ മോശമായി ബാധിച്ചു. കര്‍ഷകര്‍ക്കും ഇപ്പോള്‍ മോശം സമയമാണ്‌. അവര്‍ക്ക്‌ ആവശ്യമായ പണം ലഭിക്കുന്നില്ല. ഡല്‍ഹിയില്‍ രാഷ്‌ട്രപതി ഭരണത്തിന്റെ പേരില്‍ മോഡി സര്‍ക്കാര്‍ ബി.ജെ.പിയുടെ ഭരണം അടിച്ചേല്‍പ്പിക്കുകയാണ്‌ ചെയ്‌തത്‌. നഗരത്തെ വളര്‍ത്തുനന്തില്‍ കോണ്‍ഗ്രസ്‌ നിരവധി പ്രവര്‍ത്തനങ്ങള്‍ നടത്തിയിരുന്നുവെന്നും സോണിയ പറഞ്ഞു. ഡല്‍ഹി തിരഞ്ഞെടുപ്പിനോടനുബന്ധിച്ച്‌ സോണിയ ഗാന്ധി പങ്കെടുക്കുന്ന ആദ്യ റാലിയായിരുന്നു ബദാപൂരിലേത്‌.
from kerala news edited
via IFTTT
