Story Dated: Wednesday, February 4, 2015 01:15
തിരുവനന്തപുരം: ദേശീയ ഗെയിംസിലെ അഴിമതി സിബിഐ അന്വേഷിക്കണമെന്ന്‌ കേരളാ കോണ്‍ഗ്രസ്‌ (ബി) ചെയര്‍മാന്‍ ആര്‍. ബാലകൃഷ്‌ണപിള്ള. കേരള കോണ്‍ഗ്രസ്‌ (ബി) സംസ്‌ഥാന കമ്മിറ്റി യോഗത്തിനു ശേഷം മാധ്യമങ്ങളോടു സംസാരിക്കുകയായിരുന്നു പിള്ള. ദേശീയ ഗെയിംസുമായി ബന്ധപ്പെട്ട്‌ 'ലാലിസം' ഉള്‍പ്പെടെയുള്ള വിവാദങ്ങള്‍ ഉയര്‍ന്നുകേള്‍ക്കുന്നതിന്‌ ഇടയിലാണ്‌ പിള്ളയുടെ പ്രതികരണം.
ദേശീയ ഗെയിംസിന്റെ പേരില്‍ വന്‍ കൊള്ളയാണ്‌ നടന്നുകൊണ്ടിരിക്കുന്നത്‌. ദേശീയഗെയിംസ്‌ അഴിമതിയുമായി ബന്ധപ്പെട്ട്‌ മോഹന്‍ലാലിനെ കുറ്റപ്പെടുത്താന്‍ ആഗ്രഹിക്കുന്നില്ലെന്നും എന്നാല്‍, ഇതില്‍ നിന്നും ലാല്‍ ഒരു പാഠം പഠിക്കണമെന്നും പിള്ള പറഞ്ഞു. സര്‍ക്കാരിന്റെ കൈവിട്ടുപോയ പണം തിരികെ ലഭിക്കുമ്പോള്‍ അത്‌ സ്വീകരിക്കണമെന്നും പിള്ള പറഞ്ഞു.
ഇതിനിടെ, മോഹന്‍ലാലിന്‌ പിന്തുണയുമായി കെ.ബി ഗണേശ്‌ കുമാര്‍ രംഗത്തെത്തി. ലാലിസത്തെ കുറ്റപ്പെടുത്തുന്നതിനോട്‌ യോജിക്കാനാവില്ല. ലാലിസത്തിന്റെ മറവില്‍ ദേശീയഗെയിംസിലെ അഴിമതികള്‍ മറയ്‌ക്കാനാണ്‌ ചിലരുടെ ശ്രമമെന്നും ഗണേശ്‌ പറഞ്ഞു.
from kerala news edited
via IFTTT
