Story Dated: Thursday, February 5, 2015 11:30
പൂനെ: ഇന്ത്യയിലെ മുസ്‌ളീങ്ങളെ മുഖ്യധാരയിലേക്ക്‌ കൊണ്ടുവരാന്‍ അവര്‍ക്ക്‌ സംവരണം ഉറപ്പാക്കുകയാണ്‌ വേണ്ടതെന്ന്‌ ഓള്‍ ഇന്ത്യാ മജ്‌ലിസ്‌ ഇ ഇറ്റേഹാദുള്‍ മുസ്‌ളീമീന്‍ പ്രസിഡന്റ്‌ അസാദുദ്ദീന്‍ ഒവൈസി. മുസ്‌ളീം വിഭാഗത്തിന്‌ സംവരണം നല്‍കണമെന്ന്‌ ഒവൈസി സര്‍ക്കാരിനോട്‌ ആവശ്യപ്പെട്ടു. വിശുദ്ധ ഖുറാന്‍ ഹൃദയത്തില്‍ തങ്ങള്‍ സൂക്ഷിച്ചിട്ടുണ്ടെന്നും കമ്പ്യൂട്ടറുകള്‍ താങ്കള്‍ തന്നെ വെച്ചോളു എന്നും രക്ഷപ്പെടുത്തണമെന്ന്‌ ആഗ്രഹിക്കുന്നുണ്ടെങ്കില്‍ അവകാശപ്പെട്ട സംവരണം നല്‍കുകയാണ്‌ ചെയ്യേണ്ടതെന്നും ഒവൈസി പറഞ്ഞു.
ലോക്‌സഭാ തെരഞ്ഞെടുപ്പ്‌ പ്രചരണവേളയില്‍ പൂനെയില്‍ നടത്തിയ റാലിയില്‍ ഇന്ത്യയിലെ മുസ്‌ളീങ്ങള്‍ക്ക്‌ ഖുറാനും ലാപ്‌ടോപ്പുകളും നല്‍കുമെന്ന്‌ പ്രധാനമന്ത്രി നരേന്ദ്രമോഡി നടത്തിയ പ്രസ്‌താവനയെയാണ്‌ ഹൈദരാബാദില്‍ നിന്നുള്ള ലോക്‌ സഭാ അംഗം പരോക്ഷമായി വിമര്‍ശിച്ചത്‌.കഴിഞ്ഞ 15 വര്‍ഷം മഹാരാഷ്‌ട്ര ഭരിച്ച കോണ്‍ഗ്രസ്‌ നാഷണലിസ്‌റ്റ് കോണ്‍ഗ്രസ്‌ പാര്‍ട്ടി റിസര്‍വേഷന്‍ പ്രശ്‌നം ഇതുവരെ പരിഹരിച്ചിട്ടില്ലെന്നും പുതിയതായി അധികാരത്തിലേറിയ ദേവേന്ദ്ര ഫഡ്‌നാവീസ്‌ വിഷയം പരിഹരിക്കുകയാണ്‌ വേണ്ടത്‌.
മഹാരാഷ്‌ട്രയിലെ ജനസംഖ്യയില്‍ മുസ്‌ളീങ്ങള്‍ 11 ശതമാനം മാത്രമാണെന്നും അവരില്‍ 70 ശതമാനവും ദാരിദ്ര്യരേഖയ്‌ക്ക് താഴെയാണെന്നും കഴിഞ്ഞ തെരഞ്ഞെടുപ്പുകളില്‍ ഒന്നും ഒരു മുസ്‌ളീം എംപി ഉണ്ടായിട്ടില്ലെന്നും പറഞ്ഞു. ഇന്ത്യയുടെ ആദ്യ ആഭ്യന്തരമന്ത്രി സര്‍ദാര്‍ വല്ലഭായി പട്ടേല്‍ മുസ്‌ളീങ്ങള്‍ക്ക്‌ സംവരണം നല്‍കിയത്‌ മതത്തിന്റെ പശ്‌ചാത്തലത്തിലല്ല. മറിച്ച്‌ സാമൂഹിക പശ്‌ചാത്തലത്തിലാണ്‌. നാട്ടില്‍ തുന്നിയ ഷെര്‍വാണിയാണ്‌ നമ്മള്‍ ധരിക്കുന്നത്‌ മോഡിയെ പോലെ വിലകൂടിയ ഷെര്‍വാണി ഉപയോഗിക്കാന്‍ കഴിയാത്തത്‌ ദരിദ്രരായിട്ടാണ്‌
സൊറാബുദ്ദീന്‍ കേസില്‍ അമിത്‌ഷായെ ഇത്രപെട്ടെന്ന്‌ സംരക്ഷിച്ചത്‌ എങ്ങിനെയാണെന്നും എന്തിനാണ്‌ നിരപരാധികളായ ഇസ്‌ളാം യുവാക്കളെ തടവറയില്‍ തള്ളിയതെന്നും ഒവാസി ചോദിച്ചു. കേസുകള്‍ അതിവേഗ കോടതി വഴി എത്രയും വേഗം തീര്‍പ്പു കല്‍പ്പിക്കണമെന്നും കുറ്റക്കാരാണെങ്കില്‍ ശിക്ഷിക്കണമെന്നും അല്ലെങ്കില്‍ എത്രയും വേഗം മോചിപ്പിക്കണമെന്നും ഒവൈസി പറഞ്ഞു.
from kerala news edited
via IFTTT
