Story Dated: Thursday, February 5, 2015 11:12
കൊച്ചി: മാതാ അമൃതാനന്ദമയിയെ കേന്ദ്രകഥാപാത്രമാക്കുന്ന ഫ്രഞ്ച്‌ സിനിമ തുടങ്ങി. വള്ളിക്കാവിലെ ആശ്രമത്തിലും സമീപത്തെ കടല്‍ത്തീരത്തുമായി കഴിഞ്ഞ ദിവസം നടന്ന ഷൂട്ടിംഗില്‍ അമൃതാനന്ദമയി ഉള്‍പ്പെട്ട രംഗങ്ങള്‍ ചിത്രീകരിച്ചു. ഫ്രഞ്ച്‌ ഭാഷയില്‍ ഒരുങ്ങുന്ന ചിത്രത്തിനായി 62 അംഗ സംഘമാണ്‌ ഇന്ത്യയില്‍ എത്തിയിട്ടുള്ളത്‌.
കഴിഞ്ഞ ദിവസം ഷൂട്ടിംഗിന്റെ ഭാഗമായി മുന്നിലെത്തിയ മറ്റ്‌ ഭക്‌തരെപ്പോലെ തന്നെ നായികാ നായകന്മാരേയും അമൃതാനന്ദമയി ആശ്‌ളേഷിച്ചു. മാനസീക പിരിമുറുക്കം തേടി അലയുന്ന ഫ്രഞ്ച്‌ ദമ്പതികള്‍ ജീവിതത്തിന്റെ അര്‍ത്ഥം തേടി ഇന്ത്യയില്‍ എത്തുന്നതും അമൃതാനന്ദമയി ഭക്‌തരായി തീരുന്നതുമാണ്‌ കഥ.
ഓസ്‌ക്കാര്‍ പുരസ്‌ക്കാരം നേടിയിട്ടുള്ള വിഖ്യാത സംവിധായകന്‍ ക്‌ളൗഡേ ലിലോഷെ ഒരുക്കുന്ന ചിത്രത്തില്‍ ജീന്‍ ദുജാര്‍ദീനും എല്‍സാ സില്‍ബര്‍സ്‌റ്റേന്‍ എന്നിവരാണ്‌ പ്രധാന കഥാപാത്രങ്ങളെ അവതരിപ്പിക്കുന്നത്‌. അണ്‍ പ്‌ളസ്‌ വണ്‍ എന്നാണ്‌ സിനിമയുടെ ഇംഗ്‌ളീഷ്‌ നാമം. മുംബൈയിലും വാരണാസിയിലും ഡല്‍ഹിയിലും ഷൂട്ടിംഗ്‌ നടത്തിയ ശേഷമാണ്‌ സംഘം വള്ളിക്കവിലെത്തിയത്‌.
from kerala news edited
via IFTTT
