Story Dated: Friday, December 19, 2014 10:57
കൊച്ചി: ആഭ്യന്തര കലാപത്തിനിടെ ലിബിയയില്‍ കുടുങ്ങിപ്പോയ മലയാളി നഴ്‌സുമാരില്‍ 12 പേര്‍ കൂടി മടങ്ങിയെത്തി. ബെങ്ഗാസിയില്‍ നിന്നുള്ള രണ്ട് കുട്ടികള്‍പ്പെടെയുള്ള ആദ്യ സംഘമാണ് പുലര്‍ച്ചെ 2.30ന് നെടുമ്പാശേരി വിമാനത്താവളത്തില്‍ എത്തിയത്. ഇനി 58 പേര്‍ കൂടി തിരിച്ചെത്താനുണ്ട്. 42 പേരുടെ സംഘം ഞായറാഴ്ച കോഴിക്കോട്ടെത്തും.
42 പേരടങ്ങുന്ന രണ്ടാമത്തെ സംഘം ട്യുണീസില്‍ എത്തിയിട്ടുണ്ട്. 20ന് ദുബായിലെത്തുന്ന സംഘത്തിലെ 33 പേര്‍ ഞായാഴ്ച രാവിലെയും ഒമ്പതു പേര്‍ രാത്രിയോടെയും കോഴിക്കോട്ടെത്തും. ഇന്ന് ട്യുണിസിലെത്തുന്ന 16 പേരുടെ മറ്റൊരു സംഘം വിമാനം ലഭിക്കുന്ന മുറയ്ക്ക് നാട്ടിലെത്തും.
മാസങ്ങളോളം ജോലി ചെയ്ത ശമ്പളവും മറ്റും നഷ്ടപ്പെട്ടാണ് പലരും നാട്ടിലെത്തിയത്. ഇവര്‍ക്ക് വീട്ടിലെത്തുന്നതിനുള്ള വാഹന സൗകര്യവും അടിയന്തര സഹായമായ 2,000 രൂപയും സര്‍ക്കാര്‍ നല്‍കും.
from kerala news edited
via IFTTT
