Story Dated: Friday, December 19, 2014 10:22
ന്യുഡല്‍ഹി: റോബര്‍ട്ട് വധ്ര- ഡി.എല്‍.എഫ് ഭൂമി ഇടപാടുമായി ബന്ധപ്പെട്ട സുപ്രധാന രേഖകള്‍ ഹരിയാന സര്‍ക്കാരിന്റെ പക്കല്‍ നിന്നു നഷ്ടപ്പെട്ടുവെന്ന് റിപ്പോര്‍ട്ട്. ഫയലിലെ രണ്ട് പേജുകളാണ് നഷ്ടപ്പെട്ടിരിക്കുന്നത്. ഇടപാടിനെ തുടക്കം മുതല്‍ എതിര്‍ത്തിരുന്ന മുതിര്‍ന്ന ഐ.എ.എസ് ഓഫീസര്‍ അശോക് ഖേംക വിവരാവകാശ രേഖപ്രകാരം നല്‍കിയ കത്തിലാണ് ഈ മറുപടി ലഭിച്ചത്. വധ്ര- ഡി.എല്‍.എഫ് ഇടപാട് റദ്ദാക്കിയ ഖേംകയുടെ അധികാരം അന്വേഷണത്തിന് മുന്‍ കോണ്‍ഗ്രസ് സര്‍ക്കാര്‍ രൂപീകരിച്ച കമ്മിറ്റിയുമായി ബന്ധപ്പെട്ട രേഖയും കമ്മിറ്റിയുടെ കണ്ടെത്തലുകളുമാണ് നഷ്ടപ്പെട്ടത്. ഇടപാടിന് ക്ലീന്‍ ചിറ്റ് നല്‍കിയ കമ്മിറ്റി ഖേംകയ്‌ക്കെതിരെ നടപടിദൂഷ്യത്തിന് കുറ്റവും ചുമത്തിയിരുന്നു.
ഇടപാടില്‍ തനിക്ക് ബന്ധമില്ലെന്ന് മുന്‍ മുഖ്യമന്ത്രിയും കോണ്‍ഗ്രസ് നേതാവുമായ ഭൂപീന്ദര്‍ ഹൂഡ തെരഞ്ഞെടുപ്പ് പ്രചരണ വേളയില്‍ പറഞ്ഞിരുന്നു. കോണ്‍ഗ്രസ് അധ്യക്ഷയുടെ മരുമകനും ഡി.എല്‍.എഫു തമ്മിലുള്ള ഇടപാടില്‍ തനിക്ക് ബന്ധമുണ്ടെന്ന് തെളിയിക്കുകയോ സര്‍ക്കാരിന്റെ ഒരിഞ്ച് ഭുമി നഷ്ടപ്പെട്ടുവെന്ന് കണ്ടെത്തുകയോ ചെയ്താന്‍ രാഷ്ട്രീയം വിടാമെന്നായിരുന്നു ഹൂഡയുടെ വെല്ലുവിളി.
വധ്രയ്ക്ക് 65 കോടി രൂപയുടെ പലിശ രഹിത വായ്പ അനുവദിച്ചതും വിവാദമായിരുന്നു.
from kerala news edited
via IFTTT
