Story Dated: Friday, December 19, 2014 03:16
കുഴല്‍മന്ദം: കടപുഴകി വീണ മരം റോഡ്‌ വക്കില്‍ നിന്നും മുറിച്ചു നീക്കാന്‍ ഇനിയും നടപടിയായില്ല. കുഴല്‍മന്ദം, കുത്തനൂര്‍ പൊതുമരാമത്ത്‌ റോഡില്‍ കല്‍കുളം ജംഗ്‌ഷനു സമീപത്താണ്‌ വന്‍ മരം വീണുകിടക്കുന്നത്‌. ഇത്‌ ഗതാഗതകുരുക്കിനൊപ്പം അപകടസാധ്യതയൊരുക്കുമ്പോഴും അധികൃതരുടെ ഭാഗത്ത്‌ നിന്നുള്ള നടപടി നീളുന്നത്‌ പൊതുജന പ്രതിഷേധത്തിന്‌ കാരണമായിട്ടുണ്ട്‌. റോഡിന്റെ ടാറിംഗ്‌ നടത്തിയ ഭാഗത്തോട്‌ ചേര്‍ന്ന്‌ നിന്നിരുന്ന നൂറുവര്‍ഷത്തിലേറെ പഴക്കമുള്ള മാവാണ്‌ രണ്ടാഴ്‌ച മുമ്പ്‌ കടപുഴകിയത്‌. മരം മുറിച്ചു മാറ്റാന്‍ നടപടി സ്വീകരിക്കാത്തപക്ഷം പ്രതിഷേധ പരിപാടികളുമായി രംഗത്ത്‌ ഇറങ്ങാനുള്ള നീക്കത്തിലാണ്‌ നാട്ടുകാര്‍.
from kerala news edited
via IFTTT
