കൊച്ചി: ജ്വല്ലറി പരസ്യത്തില്‍ അഭിനയിക്കുന്നതില്‍ നിന്ന് നടി അമല പോളിനെ കോടതി വിലക്കി. അമല മുമ്പ് മോഡലായ ഒരു ജ്വല്ലറി നല്‍കിയ ഹര്‍ജിയിലാണ് കോടതി താരത്തെ മറ്റു ജ്വല്ലറികളുടെ പരസ്യത്തില്‍ പ്രത്യക്ഷപ്പെടുന്നതില്‍ നിന്നും വിലക്കിയത്. എറണാകുളം അഡീഷണല്‍ സെഷന്‍സ് കോടതിയുടേതാണ് വിധി.
പത്തനാപുരത്തുള്ള ഒരു ജ്വല്ലറിയുടെ പരസ്യത്തില്‍ അമല അഭിനയിക്കാന്‍ ഒരുങ്ങിയതാണ് നടി നേരത്തേ കരാര്‍ ഒപ്പിട്ടിരുന്ന ജ്വല്ലറി ഹര്‍ജിയുമായെത്താന്‍ കാരണമായത്.
2014 മെയില്‍ അമല തങ്ങളുമായി ഒപ്പിട്ട കരാര്‍ പ്രകാരം കോണ്‍ട്രാക്ട് കാലയളവില്‍ അമലയ്ക്ക് മറ്റു ജ്വല്ലറികളുടെ പരസ്യത്തില്‍ അഭിനയിക്കാനാവില്ലെന്ന് കൊച്ചിയില്‍ നിന്നുള്ള ഹര്‍ജിക്കാര്‍ കോടതിയില്‍ ബോധിപ്പിച്ചു. 30 ലക്ഷം രൂപയായിരുന്നു കരാര്‍ തുക. ഇത് അംഗീകരിച്ച കോടതി അമലയെ മറ്റു ജ്വല്ലറികളുടെ പരസ്യങ്ങളില്‍ നിന്നും വിലക്കുകയായിരുന്നു.
from kerala news edited
via IFTTT
