Story Dated: Friday, December 19, 2014 09:56
പുതുച്ചേരി: പുതുച്ചേരിയിലെ ശ്രീ അരബിന്ദോ ആശ്രമത്തില്‍ നിന്ന് പുറത്താക്കിയതില്‍ പ്രതിഷേധിച്ച് മൂന്ന് സ്ത്രീകള്‍ ആത്മഹത്യ ചെയ്തു. ആശ്രമത്തിലെ രണ്ട് സന്യാസിനിമാരും അവരുടെ അമ്മയുമാണ് കടലില്‍ ചാടി മരിച്ചത്. ആത്മഹത്യയ്ക്ക് ശ്രമിച്ച മറ്റ് അഞ്ചു പേരെ മത്സ്യത്തൊഴിലാളികള്‍ രക്ഷപ്പെടുത്തി. അനുശ്രീ പ്രസാദ്, സഹോദരി രാജശ്രീ പ്രസാദ്, ഇവരുടെ അമ്മ ശാന്തിദേവി പ്രസാദ് എന്നിവരാണ് മരിച്ചത്.
ആശ്രമത്തിന്റെ അച്ചടക്കത്തിന് നിരക്കാത്ത രീതിയില്‍ പ്രവര്‍ത്തിച്ച അംഗങ്ങളെ പുറത്താക്കാന്‍ അധികൃതര്‍ തീരുമാനിച്ചിരുന്നു. ഇതിനെതിരെ നടത്തിയ നിയമപോരാട്ടത്തില്‍ പരാജയപ്പെട്ടതോടെയാണ് സന്യാസിനികള്‍ ആത്മഹത്യ ചെയ്തത്. ഇവരെ പുറത്താക്കാന്‍ സുപ്രീം കോടതി കഴിഞ്ഞ ദിവസം ഉത്തരവിട്ടിരുന്നു.
from kerala news edited
via IFTTT
