Story Dated: Friday, December 19, 2014 03:19
കല്‍പ്പറ്റ: ജില്ലാ ബോഡി ബില്‍ഡിംഗ്‌ അസോസിയേഷന്റെയും മേപ്പാടി പവര്‍ ഫിറ്റ്‌നസ്‌ മള്‍ട്ടി ജിമ്മിന്റെയും സംയുക്‌താഭിമുഖ്യത്തില്‍ ജനുവരി രണ്ടിന്‌ മേപ്പാടി കോസ്‌മോ പൊളിറ്റന്‍ക്ല ബ്ബ്‌ ഗ്രൗണ്ടില്‍ 31-ാമത്‌ ജില്ലാതല ശരീര സൗന്ദര്യ മത്സരം നടത്തുമെന്ന്‌ സംഘാടക സമിതി ഭാരവാഹികള്‍ പത്രസമ്മേളനത്തില്‍ അറിയിച്ചു. സീനിയര്‍, ജൂനിയര്‍, സബ്‌ജൂനിയര്‍, മാസ്‌റ്റേഴ്‌സ് വിഭാഗങ്ങളില്‍ നടക്കുന്ന മത്സരത്തില്‍ ജില്ലയിലെ 21 അംഗീകൃതക്ല ബ്ബുകളില്‍ നിന്നും 350ഓളം ബോഡി ബില്‍ഡേഴ്‌സ് പങ്കെടുക്കും. ദേശീയ റഫറിമാരുടെ നിയന്ത്രണത്തില്‍ നടക്കുന്ന മത്സരവേദിയില്‍ കേരളത്തിലെ പ്രശസ്‌തരായ ബോഡി ബില്‍ഡിംഗ്‌ താരങ്ങളുടെ ശരീര സൗന്ദര്യ പ്രദര്‍ശനവും നടത്തും. മത്സരം എം.വി ശ്രേയാംസ്‌കുമാര്‍ എം.എല്‍.എ ഉദ്‌ഘാടനം ചെയ്യും. സ്‌പോര്‍ട്‌സ് കൗണ്‍സില്‍ ജില്ലാ പ്രസിഡന്റ്‌ സലിം കടവന്‍ എന്നിവര്‍ പങ്കെടുക്കും. പത്ര സമ്മേളനത്തില്‍ അസോസിയേഷന്‍ പ്രസിഡന്റ്‌ ടി.കെ ഹരി, സെക്രട്ടറി കെ.സി അബ്‌ദുസലിം, ട്രഷറര്‍ വി.പി അബ്‌ദുസലാം, സംഘാടക സമിതി ചെയര്‍മാന്‍ സി.സഹദേവന്‍, തോമസ്‌ ബോസ്‌ എന്നിവര്‍ പങ്കെടുത്തു.
from kerala news edited
via IFTTT
