വ്യാജ മണല്‍ പാസ്‌: യഥാര്‍ത്ഥ പ്രതിയെ അറസ്‌റ്റ് ചെയ്യണം: എം.എസ്‌.എഫ്‌

Story Dated: Friday, December 19, 2014 03:09

കാഞ്ഞങ്ങാട്‌: കാഞ്ഞങ്ങാടിന്റെ രാഷ്‌ട്രീയ സാമൂഹിക രംഗത്ത്‌ നിറ സാന്നിധ്യമായിരുന്ന വിദ്യാര്‍ത്ഥി നേതാവായ ആബിദ്‌ ആറങ്ങാടിയെ ചതിയില്‍പെടുത്തി താറടിച്ച്‌ കാണിക്കാനുള്ള ചിലരുടെ കുത്സിത ശ്രമങ്ങള്‍ വിലപ്പോവില്ലെന്ന്‌ എം.എസ്‌.എഫ്‌ ആറങ്ങാടി ശാഖാ യോഗം.

വ്യാജ മണല്‍പാസ്‌ വിവാദത്തില്‍ യഥാര്‍ത്ഥ പ്രതിയെ പിടികൂടി സമൂഹത്തിന്റെ മുന്നില്‍ കൊണ്ട്‌ വരണമെന്നും ആബിദ്‌ ആറങ്ങാടിയുടെ സ്‌ഥാപനത്തിലേക്ക്‌ ഇമെയില്‍ അയച്ച്‌ ജീവനക്കാരെ കബളിപ്പിച്ച യഥാര്‍ത്ഥ പ്രതിയെക്കുറിച്ച്‌ പകല്‍ പോലെ വ്യക്‌തമായിട്ടും രാഷ്‌ട്രീയ മുതലെടുപ്പിനായി ആബിദ്‌ ആറങ്ങാടിയെ സമൂഹത്തിന്റെ മദ്ധ്യത്തില്‍ താറടിച്ച്‌ കാണിക്കാനുള്ള ശ്രമം കാഞ്ഞങ്ങാട്ടുകാര്‍ പുശ്‌ചിച്ച തള്ളുന്നുമെന്നും, യഥാര്‍ത്ഥ പ്രതിയെ രക്ഷപ്പെടുത്താന്‍ അവസരമൊരുക്കുന്ന പ്രവണത അവസാനിപ്പിക്കണമെന്നും ഇല്ലെങ്കില്‍ ശക്‌തമായ പ്രക്ഷോഭങ്ങളുമായി മുന്നോട്ട്‌ പോകുമെന്നും യോഗം കൂട്ടിച്ചേര്‍ത്തു.

യോഗത്തില്‍ ശാഖാ പ്രസിഡന്റ്‌ എം.കെ.ശഫീര്‍ അദ്ധ്യക്ഷത വഹിച്ചു. റമീസ്‌ ആറങ്ങാടി, സെക്രട്ടറി ഇര്‍ഷാദ്‌ നിലാങ്കര, മുസഫര്‍ അലി, സി.സുഹൈല്‍, സി.ജംഷീര്‍, കെ.എഫ്‌.അജ്‌മല്‍ സംസാരിച്ചു.

from kerala news edited

via IFTTT