Story Dated: Friday, December 19, 2014 03:13
നാദാപുരം: തൂണേരി പഞ്ചായത്തിലെ മുടവന്തേരിയില്‍ കോണ്‍ഗ്രസ്‌ നേതാവിന്റെ വീടിന്‌ നേരെ ബോംബേറ്‌.
മുടവന്തേരി ചെറുപ്പോളില്‍ പളളിക്ക്‌ സമീപത്തെ തുണ്ടിയില്‍ മൂസ്സഹാജിയുടെ വീടിന്‌ നേരെയാണ്‌ ബോംബേറുണ്ടായത്‌.കോണ്‍ഗ്രസ്‌ നാദാപുരം ബ്ലോക്ക്‌ സെക്രട്ടറിയാണ്‌ മൂസ്സഹാജി.രണ്ട്‌ ബോംബുകളാണ്‌ വീടിന്‌ നേരെ എറിഞ്ഞത്‌.വീട്ട്‌ മതിലിലും,ഗേറ്റിലും വീണ്‌ പൊട്ടിയതിനാല്‍ വന്‍ അപകടം ഒഴിവായി.മൂസ്സ ഹാജിയുടെ വീടിനടുത്ത്‌ മറ്റൊരു വീടിന്റെ ഇടവഴിയിലും ബോംബെറിഞ്ഞ്‌ ഭീതി പരത്തി.
നാടന്‍ ബോംബുകളാണ്‌ എറിഞ്ഞതെന്ന്‌ പോലീസ്‌ പറഞ്ഞു.സ്‌ഫേടനം നടന്ന സ്‌ഥലത്ത്‌ നിന്ന്‌ ചാക്ക്‌ നൂലും കടലാസുകളും പോലീസ്‌ കണ്ടെടുത്തു.
ഇടക്കാലത്ത്‌ സമാധാനാന്തരീക്ഷം നിലനില്‍ക്കുന്ന പ്രദേശത്ത്‌ സാമൂഹ്യ ദ്രോഹികള്‍ വീണ്ടും കുഴപ്പമുണ്ടാക്കാന്‍ നീക്കം നടത്തുകയാണ്‌.കഴിഞ്ഞ ദിവസം മര്‍കസ്‌
സമ്മേളനത്തിന്റെ ഭാഗമായ്‌ സ്‌ഥാപിച്ച ഫ്‌ളക്‌സ് ബോര്‍ഡുകളും നശിപ്പിച്ചിരുന്നു.സ്‌ഫോടനം നടന്ന സ്‌ഥലത്ത്‌ നിന്ന്‌ മൂന്നംഗ സംഘം ബൈക്കില്‍ കടന്ന്‌ പോയതായി പോലീസിന്‌ പരിസരവാസികള്‍ വിവരം നല്‍കി.അഡീഷണല്‍ എസ്‌.ഐ പി.സി രാജനും സംഘവും സ്‌ഥലത്ത്‌ പരിശോധന നടത്തി.
from kerala news edited
via IFTTT
