Story Dated: Monday, March 30, 2015 01:50
കുറ്റിപ്പുറം: അമിതമായ മണലെടുപ്പ്‌ മൂലം മരണത്തിലേക്കടുക്കുന്ന നിളയുടെ ആകാശകാഴ്‌ചകണ്ടു പഠനം നടത്തി പരിഹാരം കണ്ടെത്താന്‍ പരിസ്‌ഥിതി വിദ്യാര്‍ഥികള്‍ക്കും അധ്യാപകര്‍ക്കും അവസരം. ജില്ല ടൂറിസം പ്രോമോഷന്‍ കൗണ്‍സിലും കുറ്റിപ്പുറം ഐ.ഇ.എല്‍.ടി.സി സ്‌പോക്കണ്‍ ഇംഗ്ലീഷ്‌ സെന്റെറിലെ പരിസ്‌ഥിതി ക്ലബും സംയുക്‌തമായാണു ജില്ലയിലെ നിളയുടെ ശോചനീയവസ്‌ഥ കണ്ടുപഠനം നടത്താന്‍ അവസരമൊരുക്കുന്നത്‌.
നിളാപാര്‍ക്കില്‍ നിന്ന്‌ പറന്നുയര്‍ന്ന്‌ ചെമ്പിക്കല്‍, മഞ്ചാടി എന്നിവിടങ്ങളിലെ പുഴക്ക്‌ നടുവിലെ ഗര്‍ത്തങ്ങളും ചുഴികളും കണ്ടെത്താനും. പുഴയില്‍ വ്യാപിച്ച്‌ കൊണ്ടിരിക്കുന്ന ചെങ്ങണക്കാടുകള്‍ നീക്കം ചെയ്ുയന്നതിനെ കുറിച്ചുള്ള പഠന റിപ്പോര്‍ട്ട്‌ സമര്‍പ്പിക്കാനുമാണ്‌ അവസരംവും ലഭിക്കും. ആറ്‌ പേര്‍ക്ക്‌ കയറാവുന്ന ഹെലികോപ്‌ടറില്‍ പുഴതീര പഞ്ചായത്തുകളായ കുറ്റിപ്പുറം, തവനൂര്‍, തിരുനാവായ എന്നിവിടങ്ങളിലെ മൂന്ന്‌ വിദ്യാര്‍ത്ഥികള്‍ക്കും മൂന്ന്‌ അദ്ധ്യാപകര്‍ക്കുംമാണ്‌ അവസരം. മെയ്‌ ആദ്യവാരം നടക്കുന്ന പരിപാടിയില്‍ പങ്കെടുക്കാന്‍ താത്‌പര്യമുള്ള വിദ്യാലയങ്ങളിലെ പരിസ്‌ഥിതി ക്ലബ്‌ അംഗങ്ങള്‍ അദ്ധ്യാപകര്‍ എന്നിവര്‍ ഏപ്രില്‍ 10 ന്‌ മുന്നെ ഡയറക്‌ടര്‍ ഐ.ഇ.എല്‍.ടി.സി സ്‌കൂള്‍ ഓഫ്‌ ഇംഗ്ലീഷ്‌ കുറ്റിപ്പുറം (പി,ഒ) എന്ന നമ്പറില്‍ ബന്ധപ്പെടണം. 9447189404.
from kerala news edited
via IFTTT
