Story Dated: Monday, March 2, 2015 02:50
ആനക്കര: ആനക്കരയില്‍ കിണറ്റില്‍ വീണ പുള്ളിമാനിനെ നാട്ടുകാര്‍ രക്ഷപ്പെടുത്തി. ആനക്കര മലേഷ്യബില്‍ഡിങ്ങിന്‌ സമീപം കോടിയില്‍ മുഹമ്മദിന്റെ(കുഞ്ഞിപ്പ) കിണറ്റിലാണ്‌ രാവിലെ മാനിനെ കണ്ടെത്തിയത്‌. പിന്നീട്‌ നാട്ടുകാര്‍ ചേര്‍ന്ന്‌ കരയ്‌ക്കു കയറ്റുകയായിരുന്നു. ചെറുതായി പരിക്കേറ്റ മാനിന്‌ വട്ടംകുളം മൃഗാശുപത്രിയിലെ സീനിയര്‍ വെറ്ററിനറി ഡോക്‌ടര്‍ വി.കെ.പി. മോഹന്‍കുമാര്‍ പരിശോധിച്ചു. മാനിനെ കണ്ടെത്തിയ വാര്‍ത്ത പരന്നതിനെ തുടര്‍ന്ന്‌ നൂറുകണക്കിനാളുകളാണ്‌ കാണാനെത്തിയത്‌. നിലമ്പൂരില്‍ നിന്ന്‌ ഫോറസ്‌റ്റ് അധികൃതര്‍ എത്തി മാനിനെ കൊണ്ടുപോയി. മാസങ്ങളായി ആനക്കര മേഖലയില്‍ പുലിയെ കണ്ടതായി വാര്‍ത്തകള്‍ വന്നിരുന്നു.
from kerala news edited
via IFTTT
