Story Dated: Monday, March 2, 2015 03:20
കഴക്കൂട്ടം: ചെമ്പഴന്തിക്കു സമീപം ആനന്ദേശ്വരത്ത്‌ യുവാവിനെ വെട്ടിപ്പരുക്കേല്‍പ്പിച്ച കേസിലെ പ്രതികളായ മൂന്നു പേരെ കഴക്കൂട്ടം പോലീസ്‌ പിടികൂടി. ചെമ്പഴന്തി ആനന്ദേശ്വരം ആരാമം വീട്ടില്‍ വിഷ്‌ണു ബാലനെയാണ്‌ കഴിഞ്ഞ 23 ന്‌ രാത്രി മാരകായുധങ്ങളുമായി എത്തിയ മൂന്നംഗ സംഘം വെട്ടി പരുക്കേല്‍പ്പിച്ചത്‌. കേസിലെ പ്രതികളായ ആനന്ദേശ്വരം സ്വദേശികളായ വിഷ്‌ണു (24), അസീസ്‌ (22), ശ്യാം (22) എന്നിവരെയാണ്‌ കഴിഞ്ഞ ദിവസം പിടികൂടിയത്‌. പ്രതികളെ കോടതിയില്‍ ഹാജരാക്കി.
from kerala news edited
via IFTTT
