Story Dated: Sunday, April 5, 2015 01:52
മാവേലിക്കര: ഓട്ടോറിക്ഷ തൊഴിലാളിക്ക്‌ നേരേ ആക്രമണം. പൈനുംമൂട്‌ സ്‌റ്റാന്റിലെ ഓട്ടോ തൊഴിലാളിയായ തഴക്കര കോളേഴുത്ത്‌ വീട്ടില്‍ സുശീല്‍രാജി (ബിനു-42) ന്‌ നേരെയാണ്‌ അക്രമം നടന്നത്‌.
ഇന്നലെ ഉച്ചക്ക്‌ രണ്ടു മണിയോടെ റെയില്‍വേ സ്‌റ്റേഷനില്‍ പോകാനായി ഒരാള്‍ ഓട്ടോറിക്ഷ വിളിച്ചു.
പുതിയകാവ്‌ കല്ലുമല റൂട്ടിലൂടെ സഞ്ചരിക്കവെ മൂന്നു ബൈക്കുകളില്‍ പിന്തുടര്‍ന്നു വന്ന സംഘം ഓട്ടോറിക്ഷ തടഞ്ഞുനിര്‍ത്തി സുശീലിനെ ആക്രമിക്കുകയായിരുന്നു.
ക്രൂരമായ മര്‍ദനമേറ്റ ഇയാളെ ജില്ലാ ആശുപത്രിയില്‍ പ്രവേശിപ്പിച്ചു. സി.ഐ.ടിയു യൂണിറ്റ്‌ സെക്രട്ടറിയായ സുശീലിനെ ആക്രമിച്ചത്‌ ആര്‍.എസ്‌.എസുകാരാണെന്ന്‌ സി.ഐ.ടി.യു ആരോപിച്ചു. ഓട്ടോതൊഴിലാളിക്കു നേരേയുണ്ടായ ആക്രമത്തില്‍ ഓട്ടോറിക്ഷാ തൊഴിലാളി യൂണിയന്‍ ഏരിയാ കമ്മിറ്റി പ്രതിഷേധിച്ചു. നാളെ രാവിലെ 10 ന്‌ പോലീസ്‌ സ്‌റ്റേഷനിലേക്ക്‌ മാര്‍ച്ച്‌ നടത്തുമെന്ന്‌ സി.ഐ.ടി.യു അറിയിച്ചു.
from kerala news edited
via IFTTT
