പരത്തി രാഹുലിനെ പൊള്ളലേറ്റ് മരിച്ചനിലയില്‍ കണ്ടെത്തി
Posted on: 05 Apr 2015
അവധിദിവസമായ വെള്ളിയാഴ്ച വൈകീട്ട് ഒരു യോഗത്തില്‍ പങ്കെടുത്തശേഷം രാത്രിയോടെ ഫ്ലൂറ്റില്‍ തിരിച്ചെത്തി ഉറങ്ങാന്‍ കിടന്നതായിരുന്നു. സിഗരറ്റ് കുറ്റിയില്‍നിന്ന് കിടക്കയ്ക്ക് തീപിടിച്ച് പുക പടര്‍ന്ന് ഉറക്കത്തില്‍ ശ്വാസംമുട്ടി മരിച്ചതാകാനാണ് സാധ്യതയെന്ന് ബന്ധുക്കള്‍ പറഞ്ഞു. രണ്ട് കിടപ്പുമുറികളുള്ള ഫ്ലൂറ്റിന്റെ ബാല്‍ക്കെണിയടക്കം പുക മൂടിയ നിലയിലായിരുന്നു. സംഭവമറിഞ്ഞെത്തിയ ദുബായ് പോലീസും അഗ്നിശമന വിഭാഗവുമാണ് മൃതദേഹം പുറത്തെടുത്തത്.
20 വര്‍ഷത്തോളമായി ദുബായിലുള്ള രാഹുല്‍ സ്വന്തമായി ബിസിനസ് നടത്തുകയായിരുന്നു. സാമ്പത്തികമായി ഉന്നത നിലയിലുള്ള അദ്ദേഹം യു.എ.ഇ.യിലും നാട്ടിലുമായി നിരവധി ജീവകാരുണ്യ പ്രവര്‍ത്തനങ്ങളില്‍ സജീവമായിരുന്നു. നാട്ടില്‍ കുടുംബ ഉടമസ്ഥതയിലുള്ള വെങ്ങര പ്രിയദര്‍ശിനി സ്‌കൂളില്‍ കുട്ടികള്‍ക്ക് എന്‍ഡോവ്‌മെന്റുകള്‍ വിതരണം ചെയ്ത് മൂന്നുദിവസം മുമ്പാണ് ദുബായില്‍ തിരിച്ചെത്തിയത്.
ദുബായില്‍ കൂടെയുണ്ടായിരുന്ന അമ്മ ഇപ്പോള്‍ നാട്ടിലാണ്. വിവാഹമോചിതനായ രാഹുലിന് ഒരു മകളുണ്ട്. പരേതനായ പി. കുഞ്ഞിക്കണ്ണന്‍ മാസ്റ്ററുടെയും റിട്ട. അധ്യാപിക സുമീറയുടെയും മകനാണ്. മുരളീധരന്‍ (ഗള്‍ഫ്), മൃദുല എന്നിവര്‍ സഹോദരങ്ങളാണ്.
തീപിടിക്കാനുണ്ടായ കാരണത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്. പോലീസ് നടപടികള്‍ക്കുശേഷം മൃതദേഹം നാട്ടിലേക്ക് കൊണ്ടുപോകും.
from kerala news edited
via IFTTT
