മലയാളത്തിലെ എക്കാലത്തെയും വലിയ ഹിറ്റായ 'ദുശ്യ'ത്തിന്റെ ഹിന്ദി പതിപ്പിന്റെ പോസ്റ്ററെത്തി. ഹിന്ദി പതിപ്പിലെ നായകനായ ബോളിവുഡ് താരം അജയ് ദേവ്ഗണ്‍ തന്റെ ട്വിറ്റര്‍ അക്കൗണ്ട് വഴി പോസ്റ്റര്‍ പുറത്തുവിടുകയായിരുന്നു. മലയാളത്തിലെ അതേ പേരില്‍ തന്നെയാണ് ഹിന്ദിയിലും ചിത്രം റീമെയ്ക്ക് ചെയ്യുന്നത്.
സംവിധായകന്‍ നിശികാന്ത് കാമത്ത് ആണ് ദൃശ്യം ഹിന്ദിയില്‍ എത്തിക്കുന്നത്. ശ്രിയ ശരണ്‍ ഹിന്ദി ദൃശ്യത്തില്‍ അജയിന്റെ നായികയായെത്തും. ഗോവയും ഹൈദരാബാദുമാണ് ചിത്രത്തിലെ പ്രധാന ലൊക്കേഷനുകള്‍.
മോഹന്‍ലാല്‍ നായകനായെത്തിയ ദൃശ്യത്തിന്റെ തെലുങ്ക് റീമെയ്ക്കും വന്‍ വിജയമായിരുന്നു. വെങ്കിടേശ് ആയിരുന്നു തെലുങ്കില്‍ നായകന്‍. കമല്‍ഹാസന്‍ നായകനായി 'പാപനാശം' എന്ന പേരില്‍ തമിഴിലും ദൃശ്യം റിലീസിന് ഒരുങ്ങിയിരിക്കുകയാണ്.
from kerala news edited
via IFTTT
