Story Dated: Sunday, April 5, 2015 02:02
എടപ്പാള്‍: ഗവ.ഹയര്‍സെക്കന്‍ഡറി സ്‌കൂളില്‍ നിര്‍മ്മിച്ച ഗുരു വൃക്ഷ രംഗപീഠം സമര്‍പ്പണം നടത്തുന്നതിന്‍റെ ഭാഗമായി ഇന്നലെ നടന്ന ജുഗല്‍ബന്ദി സംഗീതമാണ്‌ ശ്രദ്ധേയമായത്‌.ഹരി ആലംങ്കോട്‌ സന്തൂര്‍ വാദനവും വിനീത്‌ ബാംസുരി യും രത്നശ്രീ അയ്യര്‍ തബല വാദനവും നടത്തി.സന്തൂര്‍,ബാംസുരി,തബല തുടങ്ങിയ വാദന ഉപകരണങ്ങള്‍ക്ക്‌ പൊതുവായി ഉപയോഗിക്കാവുന്ന രാഗമാണ്‌ തിരഞ്ഞെടുക്കാറ്‌.ഇന്നലെ എടപ്പാളില്‍ നടന്ന ജുഗല്‍ബന്ദിയില്‍ ബാഗേശ്രീ രാഗമാണ്‌ ഉപയോഗിച്ചത്‌.ഹിന്ദുസ്‌ഥാനി സംഗീതം ഉള്‍കൊള്ളുന്ന ഇതില്‍ ആലാപ്‌ജോഡ്‌ ജ്വാല എന്ന താളത്തില്‍ തുടങ്ങി വിളബിത്‌ രൂപക്‌ താളത്തിലൂടെ മധ്യലയത്തിലേക്ക്‌ പ്രവേശിച്ചു.തുടര്‍ന്ന്‌ തീം താള്‍ എന്ന ദൃത്‌ താളത്തിലേക്ക്‌ മാറിയതോടെ കാണികള്‍ ആവേശത്തിലായി.
from kerala news edited
via IFTTT
