Story Dated: Sunday, April 5, 2015 02:02
പാലക്കാട്‌: മലമ്പുഴയില്‍ ഉത്സവത്തിനിടെയുണ്ടായ സംഘര്‍ത്തില്‍ യുവാവ്‌ കുത്തേറ്റു മരിച്ചു. കഞ്ചിക്കോട്‌ ഹില്‍വ്യൂ നഗര്‍ കൃഷ്‌ണകൃപയില്‍ മണിയുടെ മകന്‍ മഹേഷ്‌(28) ആണ്‌ കുത്തേറ്റു മരിച്ചത്‌. വെള്ളിയാഴ്‌ച വൈകീട്ടാണ്‌ സംഭവം. മലമ്പുഴ ഹേമാംബിക ഭഗവതിക്ഷേത്ര ഉത്സവത്തിന്‌ കാഞ്ഞിരക്കടവിലെത്തിയ മഹേഷ്‌ ആറരയ്‌ക്ക് വേലയിലും തുടര്‍ന്നു നടന്ന കുംഭക്കളിയിലും പങ്കെടുത്തു. ഇതിനിടെ ഒരു വിഭാഗം ആളുകള്‍ തമ്മില്‍ വാക്കേറ്റമുണ്ടായതായി പറയുന്നു. പിന്നീട്‌ കാഞ്ഞിരക്കടവ്‌ ഭാഗത്ത്‌ കുത്തേറ്റ നിലയില്‍ മഹേഷിനെ നാട്ടുകാര്‍ കണ്ടെത്തുകയായിരുന്നു.
ഇടതു തുടയില്‍ കമ്പികൊണ്ടാണ്‌ കുത്തേറ്റിരിക്കുന്നതെന്നു പോലീസ്‌ പറഞ്ഞു. സംഭവസ്‌ഥലത്ത്‌ പോലീസ്‌ എത്തുമ്പോള്‍ നാട്ടുകാര്‍ മഹേഷിനെ ആശുപത്രിയിലെത്തിക്കുന്നതിനായി ഓട്ടോയില്‍ കയറ്റുകയായിരുന്നു. ആശുപത്രിയിലെത്തുന്നതിനു മുമ്പേ മഹേഷ്‌ മരിച്ചിരുന്നു. പ്രതികള്‍ക്കായുള്ള തെരച്ചില്‍ ഊര്‍ജിതമാക്കിയെന്ന്‌ ഹേമാംബിക നഗര്‍ സി.ഐ കെ.സി. വിനു പറഞ്ഞു.
from kerala news edited
via IFTTT
