Story Dated: Wednesday, December 3, 2014 06:23
ഇസ്ലാമാബാദ്‌: ഇന്ത്യാ പാക്‌ ഉഭയകക്ഷി ചര്‍ച്ചകള്‍ക്ക്‌ വില്ലന്‍ നരേന്ദ്ര മോദിയെന്ന്‌ പാക്കിസ്‌ഥാന്‍. മോദി ഇന്ത്യന്‍ പ്രധാനമന്ത്രിയായി ഇരിക്കുന്ന കാലത്തോളം ഇത്തരമൊരു ചര്‍ച്ചയ്‌ക്ക് സാധ്യതയില്ലെന്ന്‌ പാക്ക്‌ പ്രധാനമന്ത്രിയുടെ ദേശിയ സുരക്ഷാ ഉപദേഷ്‌ടാവ്‌ സര്‍താജ്‌ അസീസാണ്‌ പറഞ്ഞിരിക്കുന്നത്‌.
ഇരുരാജ്യങ്ങളും ഉഭയകക്ഷി ചര്‍ച്ചകള്‍ പുനരാരംഭിക്കണമെന്നും ഇത്‌ ഇന്ത്യയുടെ ഉത്തരവാദിത്തമാണെന്നും അദ്ദേഹം പറഞ്ഞു. പാക്‌ അംബാസഡര്‍ കാശ്‌മീരിലെ വിഘടന വാദികളുമായി ചര്‍ച്ച നടത്തിയെന്ന്‌ ആരോപിച്ച്‌ വിദേശകാര്യ സെക്രട്ടറിതല ചര്‍ച്ചകള്‍ ഇന്ത്യ നേരത്തേ വേണ്ടെന്നുവെച്ച പശ്‌ചാത്തലത്തിലാണ്‌ പ്രസ്‌താവന.
പാക്കിസ്‌ഥാന്‍ ഇന്‍സ്‌റ്റിറ്റ്യൂട്ട്‌ ഓഫ്‌ ഡെവലപ്പുമെന്റ്‌ ഇക്കണോമിക്‌സിന്റെ വാര്‍ഷിക സമ്മേളനത്തിലായിരുന്നു അസീസിന്റെ പ്രസ്‌താവന. പാക്കിസ്‌ഥാന്‍ സ്‌ഥാനപതി അബ്‌ദുല്‍ ബാസിത്‌ ഹുറിയത്‌ നേതാവ്‌ ഷാബിര്‍ ഷായുമായി കൂടിക്കാഴ്‌ച നടത്തിയിരുന്നു.
from kerala news edited
via IFTTT
