Story Dated: Wednesday, December 3, 2014 04:56
ജമ്മു: ജമ്മു കാശ്‌മീരിലെ കുപ്‌വാരാ ജില്ലയില്‍ തീവ്രവാദികളുമായി നടന്ന ഏറ്റുമുട്ടലില്‍ ആറ്‌ തീവ്രവാദികളും ഒരു ജവാനും കൊല്ലപ്പെട്ടു. നാലുപേര്‍ക്ക്‌ പരിക്കേറ്റു. നൗഗം സെക്‌ടറില്‍ ഉണ്ടായ നുഴറ്റുകയറ്റശ്രമമാണ്‌ സൈന്യം തകര്‍ത്തത്‌. ഇന്നലെ ഇതേ സ്‌ഥലത്ത്‌ നുഴഞ്ഞുകയറ്റശ്രമം നടത്തിയ മൂന്ന്‌ തീവ്രവാദികളെ സൈന്യം വെടിവെച്ചുകൊന്നിരുന്നു. ചെവ്വാഴ്‌ച പുലര്‍ച്ചെയാണ്‌ മേഖലയില്‍ ഭീകരുടെ നുഴഞ്ഞുകയറ്റശ്രമം സൈന്യത്തിന്റെ ശ്രദ്ധയില്‍ പെട്ടത്‌.
കുപ്‌വാരാ ജില്ലയില്‍ അഞ്ചെണ്ണമടക്കം ജമ്മു കാശ്‌മീരില്‍ 18 സീറ്റുകളില്‍ രണ്ടാംഘട്ട വോട്ടെടുപ്പ്‌ നടക്കുന്നതിനിടെയാണ്‌ ഇന്നലെ നുഴഞ്ഞുകയറ്റശ്രമം നടന്നത്‌.
from kerala news edited
via IFTTT
