Story Dated: Wednesday, December 3, 2014 03:22
ന്യൂഡല്‍ഹി: പാര്‍ലമെന്റില്‍ മലയാളത്തില്‍ പ്രസംഗിച്ച് ഇന്നസെന്റ് ശ്രദ്ധനേടി. കാന്‍സര്‍ രോഗികള്‍ക്ക് സൗജന്യ ചികില്‍സയ്ക്കായി കേന്ദ്രസര്‍ക്കാര്‍ ധനസഹായം അനുവദിക്കണമെന്നായിരുന്നു ഇന്നസെന്റിന്റെ ആവശ്യം. പല വിദേശരാജ്യങ്ങളിലും നാല്പതു വയസ്സുകഴിഞ്ഞാല്‍ കാന്‍സര്‍ രോഗനിര്‍ണയം നിര്‍ബന്ധമാണ്. ഇത്തരം നിബന്ധനകള്‍ രാജ്യത്തും വേണമെന്ന് സ്വന്തം അനുഭവം വിവരിച്ചുകൊണ്ട് ഇന്നസെന്റ് വ്യക്തമാക്കി. ഇതിനായി കേന്ദ്ര-സംസ്ഥാന സര്‍ക്കാരുകള്‍ സഹായം അനുവദിക്കണം. ചാലക്കുടിയില്‍ നിന്നുള്ള എംപിയാണ് ഇന്നസെന്റ്.
അതേസമയം, മുന്‍കൂട്ടി അറിയിക്കാതെ മലയാളത്തില്‍ പ്രസംഗിച്ചതിനാല്‍ പരിഭാഷ അനുവദിക്കാന്‍ കഴിയില്ലെന്ന് സ്പീക്കര്‍ സുമിത്ര മഹാജന്‍ അറിയിച്ചു.
from kerala news edited
via IFTTT
