സീബില്‍ വാഹനാപകടത്തില്‍ മലയാളി ദമ്പതികള്‍ മരിച്ചു
Posted on: 24 Jan 2015
മസ്‌ക്കറ്റ് : വെള്ളിയാഴ്ച രാവിലെ സീബില്‍ വെച്ചുണ്ടായ വാഹനാപകടത്തില്‍ തിരുവനന്തപുരം സ്വദേശികളായ ദമ്പതികള്‍ മരിച്ചു. മൂന്ന് പേര്‍ക്ക് പരുക്കേറ്റു. തിരുവനന്തപുരം അമ്പൂരി സ്വദേശിനി മറിയാമ്മ ജോസ് (51) ഭര്‍ത്താവ് ജോസ് ചാക്കോ (60) എന്നിവരാണ് മരിച്ചത്. മറിയാമ്മ സംഭവ സ്ഥലത്തും ജോസ് രാത്രി എട്ട് മണിയോടെയും മരിച്ചു. ഗുരുതര മായി പരുക്കേറ്റ ഇവരുടെ മകന്‍ ജിമ്മിനെ സീബ് ഡിഫന്‍സ് ആശുപത്രിയില്‍ പ്രവേശിപ്പിച്ചിരിക്കുകയാണ്. ഒമ്പത് മണിയോടെയായിരുന്നു അപകടം നടന്നത്.
മസ്‌കറ്റ് സീബ് അന്താരാഷ്ട്ര വിമാനത്താവളത്തിന് സമീപം ഇവര്‍ സഞ്ചരിച്ച കാര്‍ മറിയുകയായിരുന്നു. ഇവര്‍ക്കൊപ്പമുണ്ടായിരുന്ന മറ്റ് രണ്ട് പേരില്‍ ഒരാളുടെ നില ഗുരുതരമായി തുടരുന്നു. ഇയാള്‍ സൈനിക ആശുപത്രിയില്‍ ചികിത്സയിലാണ്. നിസാര പരുക്കേറ്റ മറ്റൊരാള്‍ ആശുപത്രി വിട്ടു. മസ്‌കത്ത് വാദി കബീറില്‍ അലൂമിനിയം വര്‍ക്ക്‌ഷോപ്പ് നടത്തുകയായിരുന്നു ജോസ്. ഏതാനും ദിവസങ്ങള്‍ക്ക് മുന്‍പ് മകളുടെ വിവാഹ ചടങ്ങുകള്‍ക്ക് നാട്ടിലേക്ക് പോയ ഇവര്‍ കഴിഞ്ഞ ദിവസമാണ് മസ്‌കറ്റില്‍ തിരിച്ചെത്തിയത്.
from kerala news edited
via IFTTT
