Story Dated: Friday, February 6, 2015 03:43
കല്‍പ്പറ്റ: സംസ്‌ഥാന ആര്‍ക്കൈവ്‌സിന്റെ ഈ വര്‍ഷത്തെ വാരാഘോഷം ബത്തേരി സെന്റ്‌ മേരീസ്‌ കോളേജില്‍ ഇന്ന്‌ രാവിലെ പത്തിന്‌ സാംസ്‌കാരിക വകുപ്പ്‌ മന്ത്രി കെ.സി. ജോസഫ്‌ ഉദ്‌ഘാടനം ചെയ്യും. രേഖാപൈതൃകത്തെ കുറിച്ച്‌ പൊതുജനങ്ങളിലും വിദ്യാര്‍ഥികളിലും അവബോധം സൃഷ്‌ടിക്കുന്നതിനായി ആര്‍ക്കൈവ്‌സുകളുടെ അന്തര്‍ദേശീയ കൗണ്‍സിലിന്റെയും നാഷണല്‍ ആര്‍ക്കൈവ്‌സ് ഓഫ്‌ ഇന്ത്യയുടേയും നിര്‍ദ്ദേശമനുസരിച്ചാണ്‌ വാരാഘോഷം നടത്തുന്നത്‌. പുരാവസ്‌തു വകുപ്പിന്റേയും സെന്റ്‌ മേരീസ്‌ കോളേജിന്റേയും സഹകരണത്തോടെ ഇന്ന്‌ മുതല്‍ 12 വരെയാണ്‌ വാരാഘോഷം. ഉദ്‌ഘാടന ചടങ്ങില്‍ ഐ.സി.ബാലകൃഷ്‌ണന്‍ എം.എല്‍.എ.അധ്യക്ഷത വഹിക്കും. സെമിനാര്‍ മന്ത്രി പി.കെ. ജയലക്ഷ്‌മിയും ചരിത്രരേഖ പുരാവസ്‌തു പ്രദര്‍ശനം എം.ഐ. ഷാനവാസ്‌ എം.പി.യും ഉദ്‌ഘാടനം ചെയ്യും.
from kerala news edited
via IFTTT
